تازہ ترین

پینے کے پانی اور بجلی کی عدم دستیابی | شار شالی پانپور میں لوگوں کا احتجاج

تاریخ    14 جنوری 2021 (00 : 01 AM)   


سید اعجاز
ترال//ضلع پلوامہ کے شار شالی پانپور علاقہ میں پینے کے پانی اور بجلی کی عدم دستیابی کے پیش نظر لوگوں نے متعلقہ محکموں کے خلاف احتجاجی مظاہرہ کیا ۔احتجاجی مظاہرین نے بتایاکہ علاقے میں پینے کے پانی کی شدید قلت پائی جا رہی ہے ۔انہوں نے بتایاکہ علاقے میں بجلی کی وولٹیج بھی بہت کم ہے ۔فاروق احمد نامی ایک شہری نے بتایا کہ لوگ پانی کی عدم دستیابی کے پیش نظربرف استعمال میں لاتے ہیں ۔ احتجاج میں شامل لوگوں نے بتایا کہ علاقہ میں بجلی کی وولٹیج بہت کم ہے جس سے اُن کے مسائل میں مزید اضافہ ہوتا ہے۔احتجاجی لوگوں کے مطابق  علاقے میں یہی حال رابطہ سڑکوں کا بھی ہے۔انہوں نے کہا کہ سڑکیں خستہ ہونے کی وجہ سے وہ سخت مشکلات سے دوچار ہیں۔انہوں نے بتایاکہ کئی دفعہ یہ معاملات حکام کی نوٹس میں لائے گئے لیکن کوئی کارروائی نہیں کی گئی ۔انہوں نے جل شکتی اور بجلی محکمہ سے مداخلت کی اپیل کی ہے ۔