تازہ ترین

پرائمری سکول مالا کھوڑی ناڑ کی حالت خستہ

تاریخ    14 جنوری 2021 (00 : 01 AM)   


پرویز خان
منجاکوٹ// سرحد پر واقع پنچایت اپر راجدھانی میں گورنمنٹ پرائمری اسکول مالا کھوڑی ناڑ کی حالت انتہائی خستہ ہوچکی ہے اور سکول عمارت گرنے کے دہانے پر ہے۔ مقامی لوگوں کا کہنا ہے کہ محکمہ ایجوکیشن کے افسران کو اس بارے میں آگاہ کیا گیا کہ بلڈنگ کی حالت انتہائی خراب ہوچکی ہے اوران کے بچوں کی پڑھائی متاثر ہو رہی ہے تاہم محکمہ ٹس سے مس نہیں ہورہا ہے ۔انہوںنے کہا کہ بلڈنگ کی حالت بالکل خستہ ہو چکی ہے اور کبھی بھی گر سکتی  ہے جس سے بچوں کی قیمتی جانیں ضائع ہونے کا احتمال ہے۔مقامی لوگوں نے گورنر انتظامیہ سے مانگ کی کہ سکول عمارت کی جلد سے جلد مرمت کروائی جائے تاکہ بچوں کی پڑھائی متاثر نہ ہو اورساتھ ہی سکول میں بنکر بنانے کا مطالبہ کیاگیا تاکہ بچے گولہ باری کے وقت محفوظ رہ سکیں۔