تازہ ترین

اکبر کالونی ماچھوا میں شبانہ مسلح تصادم جاری

تاریخ    28 اکتوبر 2020 (00 : 01 AM)   


ارشاد احمد
سرینگر //سرینگر کے مضافاتی علاقے موچھوا میں منگل کی شام جنگجوئوں اور فورسز کے درمیان خونریز تصادم آرائی ہوئی۔یہاں رات گئے تک شدید فائرنگ اور دھماکوں کی آوازیں سنی جارہی تھیں۔پولیس کے مطابق دو یا تین جنگجوئوں کی مصدقہ طور پر موجودگی کی اطلاع ملنے کے بعد شام کے قریب 8بجے 50آر آر، سی آر پی ایف اور پولیس کے سپیشل آپریشن گروپ نے اکبر کالونی آری باغ ماچھوا( باغ مہتاب) کا محاصرہ کیا جس کے فوراً بعد یہاں شدید فائرنگ کا آغاز ہوا اور قریب ڈیڑھ گھنٹے تک دو طرفہ فائرنگ اور زوردار دھماکوں کی آوازیں سنی گئیں۔مقامی لوگوں کے مطابق بستی کے لوگ سہم کر رہ گئے اور پورے علاقے کو سخت ترین محاصرے میں لیا گیا ہے۔علاقے میںروشنی کا انتظام کیا گیا ہے اور رات کے 10بجے کے بعد یہاں فائرنگ کا سلسلہ رک گیا۔
 
 

تازہ ترین