جماعت اسلامی کے 2رہنما ضمانت پررہا

تاریخ    24 اکتوبر 2020 (00 : 01 AM)   


 سرینگر//عدالت کی طرف سے ضمانتی عرضی منظور ہونے کے بعد جماعت اسلامی  کے دورہنمائوں کو جیل سے رہا کر دیا گیا ۔ سی این آئی کے مطابق جماعت اسلامی کے ضلع صدر بانڈی پورہ محمد سکندر ملک ساکنہ گوڈی پورہ اور تحصیل صدر علی محمد شیخ ساکنہ اشٹنگو بانڈی پورہ کی ضمانتی عرضی منظور ہونے کے بعد انہیں جیل سے رہا کر دیا گیا ہے ۔ خیال رہے کہ دونوںرہنما سنیٹرل جیل سرینگر اور سب جیل بارہمولہ میںمقید تھے  اورد ونوں لیڈران کو غیر قانونی سرگرمیوں کی پاداش میںگرفتار کر لیا گیا تھا جس کے بعد انہیں پولیس اسٹیشن بانڈی پورہ سے ایک کو سب جیل بارہمولہ جبکہ دوسرے کو سنیٹرل جیل سرینگر منتقل کر دیا گیا تھا ۔ دونوں کے گھروالوں نے عدالت میں ان کی گرفتاری کو چیلنج کیا تھا جس کے بعد عدالت نے دونوں کی ضمانتی عرضی کو منظور کرکے ان کی رہائی کا حکم دیا تھا ۔

تازہ ترین