تازہ ترین

کشتواڑ میں21پولیس اہلکار مثبت

ایس ایس پی دفتر 2 روز کیلئے بند

تاریخ    13 ستمبر 2020 (00 : 02 AM)   


عاصف بٹ
کشتواڑ//جمعہ کو ریپڈ سمپلنگ کے دوران 21پولیس اہلکاروں کے نمونے مثبت پائے گئے جس کے بعد ایس ایس پی دفتر کو سینی ٹائزیشن کیلئے دور روز کیلئے بند کردیا گیاہے۔ ذرائع نے کشمیر عظمیٰ کو بتایا کہ جمعہ کو محکمہ صحت کے اہلکاروں نے ایس ایس پی دفتر میں کورونا کے نمونے حاصل کئے اور انکی ریپڈ سپملنگ کی گئی جس دوران دفتر میں تعینات  100کے قریب پولیس اہلکاروں کے نمونے حاصل کئے گئے جن میں سے 21کے نمونیمثبت پائے گئے۔اس کے بعد متاثرہ اہلکاروں کو آئیسولیشن میں رکھا گیا ہے جبکہ دفتر سینی ٹائزیشن کیلئے دوروز تک بندرہے گااوردیگر اہلکاروں کو احتیاطی اقدامات کرنے تاکید کی گئی ہے۔جن افراد کے نمونے مثبت آئے ہیں ان میں کسی بھی شخص کو کھانسی، بخار یا زکام کی کوئی شکایت نہیں تھی جس سے زیادہ ہی تشویش پائی جارہی ہے۔