رینا کی تلافی مشکل لیکن ٹیم مضبوط ہے :واٹسن

تاریخ    11 ستمبر 2020 (00 : 02 AM)   


ابوظبی/ چنئی سپر کنگز کے تجربہ کار آل راؤنڈر شین واٹسن کا کہنا ہے کہ ٹیم میں ساتھی کھلاڑی سریش رینا کی کمی شدت سے محسوس ہوگی اور ان کی تلافی کرنا مشکل ہوگا لیکن ان کی ٹیم مضبوط ہے ۔چنئی کے آل راؤنڈر رینا ذاتی وجوہات کی بناء پر 19 ستمبر سے 10 نومبر تک متحدہ عرب امارات (یو اے ای) میں ہونے والے آئی پی ایل کے 13 ویں سیزن سے دستبردار ہوگئے ۔ اگرچہ رینا 21 اگست کو ٹیم کے ساتھ متحدہ عرب امارات آئے تھے لیکن کچھ دن بعد وہ ذاتی وجوہات کا حوالہ دیتے ہوئے وطن واپس آگئے ۔ رینا کے بعد ٹیم کے آف اسپنر ہربھجن سنگھ نے بھی ذاتی وجوہات کی بنا پر آئی پی ایل کے سیزن سے دستبرداری کا فیصلہ کیا۔واٹسن نے نبیل ہاشمی کے یوٹیوب پروگرام میں کہا کہ ہمیں رینا اور ہربھجن کی عدم موجودگی پر قابو پانا ہے ۔ لیکن چنئی کے لئے راحت یہ ہے کہ وہ دوسری ٹیموں کی طرح مضبوط ہے ۔ رینا کی تلافی کرنا مشکل ہے ، آپ ایسا نہیں کرسکتے ۔
 

تازہ ترین