تازہ ترین

راجوری میں دھوکہ دہی سے 37لاکھ روپے نکالنے کی پاداش میں بینک ملازم کیخلاف کیس درج

تاریخ    31 جولائی 2020 (25 : 01 PM)   


نیوز ڈیسک
سرینگر//پولیس نے راجوری میں جموں کشمیر بینک کے ایک ملازم کیخلاف مبینہ طوردھوکہ دہی سے 37لاکھ روپے نکالنے کی پاداش میں کیس درج کرلیا ہے۔
پولیس ذرائع کے مطابق جموں کشمیر بینک برانچ سندر بنی کے منیجر نے متعلقہ پولیس سٹیشن میں دھوکہ دہی سے رقم نکالنے سے متعلق شکایت درج کرائی جس میں کہا گیا تھا کہ بینک کے ایک ملازم نے کئی بینک صارفین کے اکاونٹوں سے3763838روپے کی رقم نکال لی ہے۔
شکایت ملتے ہی پولیس نے ایف آئی آر نمبر83زیر متعلقہ قانونی دفعات درج کرکے تحقیقات شروع کی۔