بابامحلہ کلن میں فلٹریشن پلانٹ بیکار

تاریخ    12 جولائی 2020 (30 : 01 AM)   


غلام نبی رینہ
کنگن//بابا محلہ کلن گنڈ میں فلٹریشن پلانٹ بیکار ہونے کی وجہ سے لوگ ندی نالوں کا پانی استعمال کرنے پر مجبور ہیں۔ کلن گنڈ کے لوگوں نے کشمیر عظمیٰ کو بتایا کہ 2015 میں علاقے میں سیلاب کی وجہ سے بابا پورہ کلن میں قائم فلٹریشن پلانٹ بیکار ہوگیا تھا جس کے بعد اس علاقے کو ایک ندی سے پانی فراہم کیا جارہا تھا۔ مقامی لوگوں کے مطابق چندماہ بعد جل شکتی محکمہ نے فلٹریشن پلانٹ کی مرمت کرکے علاقے کو پانی کی سپلائی بحال کردی ۔ غلام حسن نامی ایک شہری نے کشمیر عظمیٰ کو بتایا کہ تین سال قبل محکمہ جل شکتی نے بابا پورہ میں فلٹریشن پلانٹ پر کام شروع کیا لیکن ابھی تک کام مکمل نہیں کیا جس کی وجہ سے لوگ مضر صحت پانی پینے پر مجبور ہیں۔ لوگوں نے جل شکتی محکمہ کے حکام سے مطالبہ کیا کہ جب تک اس فلٹریشن پلانٹ کو شروع کیا جائے تب تک پرانے فلٹریشن پلانٹ کی تار بندی کی جائے۔
 

تازہ ترین