تازہ ترین

’’شب ‘‘

افسانچہ

تاریخ    28 جون 2020 (00 : 03 AM)   


ایف آزاد دلنوی
ماں اپنی بیٹیوں کو یہ سمجھاتے ہوئے کہہ رہی تھی۔
’’آج کی شب بہت زیادہ اہمیت رکھتی ہے۔آج کی شب میں زندگی اور موت کے فیصلے لکھے جاتے ہیں اس لئے اللہ کی بارگاہ میںگڑگڑاتے ہوئے اپنی لمبی عمر کے لئے دعا مانگو۔۔اور گناہوں سے مغفرت۔۔‘‘
اتنے میں گھر کا اکلوتابیٹا عابدیہ کہتے ہوئے کچن میں داخل ہوا۔
’’مما۔۔۔۔۔مما مجھے بہت زیادہ بھوک لگی ہے جلدی سے کھانا پروسو۔‘‘
ماں نے اپنی بات جاری رکھتے ہوئے کہا۔’’تو میں کہہ رہی تھی کہ آج تم شب بھر بیدار رہوگی۔‘‘
یہ سُن کر بیٹے نے اصرار کرتے ہوئے کہا۔’’مما۔۔۔۔۔مما  میں بھی شب بیداری کروں گا۔‘‘
بیٹے کے تئیں محبت نے ماںکو یہ کہنے کے لئے آمادہ کردیا۔’’بیٹے تم ابھی چھوٹے ہو۔تم کھانا کھا کے سو جائو۔‘‘
بیٹے نے طاق پر رکھے پیالے کو فرش پرپٹخ کرغصہ بھرے لہجے میں کہا۔’’ماں۔۔۔  میں دن بھر پڑھائی کرتا رہتا ہوں۔آج مجھے شب بیداری کی اجازت دے دو۔‘‘
’’کیوں اتنی ضد کرتے ہو بیٹے۔۔۔۔‘‘
’’مما۔۔۔۔۔۔میری پیاری مما۔میں نے کئی دنوں سے اپنے فیس بک کے اکائونٹ کے ویڈیوز نہیں دیکھے ہیں۔۔۔۔ٖ!!!
 
 دلنہ بارہمولہ،موبائل نمبر:-9906484847
 

 

تازہ ترین