تازہ ترین

جانسن کے آئی سی یو میں داخل ہونے سے افسردہ ہوں:ٹرمپ

8 اپریل 2020 (25 : 02 AM)   
(      )

یو این آئی
واشنگٹن//امریکہ کے صدر ڈونلڈٹرمپ نے منگل کو برطانوی وزیراعظم بورس جانسن کے آئی سی یو میں داخل ہونے کی خبر سن کے گہرے رنج کا اظہارکیا ہے ،اور ان کی جلد صحت یابی کے لئے دعا کی۔مسٹر ٹرمپ نے وائٹ ہاؤس ٹاسک فورس کانفرنس کے موقع پر کہا ، "میں اپنے سب سے اچھے دوست اور امریکہ کے دوست ، بورس جانسن کو نیک خواہشات دیتا ہوں۔ میں ان کے آئی سی یو میں داخل ہو نے کی خبر سن کے غمزدہ ہوں۔’’انہوں نے کہا کہ تمام امریکی مسٹر جانسن کی جلد صحت یابی کے لئے دعا گو ہیں۔ انہوں نے کہا ‘‘جانسن بہت مضبوط ، پرعزم اورآسانی سے ہار ماننے والے انسان نہیں ہیں’’۔خیال رہے برطانیہ کے وزیر اعظم جانسن کی حالت سنگین ہو نے کی وجہ سے انہیں لندن کے سینٹ تھامس اسپتال کے آئی سی یو میں داخل کرایا گیا ہے ۔