کورونا مخالف اقدام :کالیج پرنسپلوں کو رضاکار فراہم کرنے کی ہدایت

6 اپریل 2020 (08 : 04 PM)   
(      )

نیوز ڈیسک
سرینگر// جموں کشمیر میں حکا م نے سبھی کالیج پرنسپلوں کو ہدایت دی ہے کہ وہ ایسے رضاکار گروہ فراہم کریں جو انتظامیہ کو کورونا وائرس سے پیدا صورتحال سے نمٹنے میں مدد کریں گے ۔
اعلیٰ تعلیم کے سیکریٹری طلعت پرویز کی طرف سے جاری آرڈر میں مرکز کے زیر انتظام علاقہ کے متعدد کالیج پرنسپلوں کو ہدات دی گئی ہے کہ وہ تدریسی و غیر تدریسی عملے پر مشتمل5سے15افراد کے ایسے رضاکارانہ گروپ فراہم کریں جو ”کیمونٹی لیڈر“ بن کرضلع انتظامیہ کو کورونا سے پیدا صورتحال سے نمٹنے میں تعاون فراہم کریں۔ 
آرڈر میں بتایا گیا ہے”ہر گروپ کا ایک ممبر لیڈر ہو گا،کالیج کے پرنسپل سبھی گروہوں کے معاونین کے طور کام کریں گے اور انتظامیہ کے ساتھ گروہ کے ممبران کی تربیت ، تعیناتی اور ضروری احکامات کیلئے کارڈی نیٹ کریں گے“۔
 تعلیم کے سیکریٹری کے مطابق یہی گروپ ممبران لوگوں کو کورونا سے بچنے کے سلسلے میں سینٹی ٹائزیشن، ہاتھ صاف کرنے، نیز سماجی فاصلے بنائے رکھنے کیلئے تربیت فراہم کریں گے۔
آرڈر کے مطابق”یہ سبھی گروپ انتظامیہ کو کیمونٹی سروسز کے ذریعے لوگوں کی مدد کے بارے میں تعاون فراہم کریں گے تاکہ عالمی وباءکا مقابلہ کیا جاسکے“۔انہی رضاکاروں کے ذریعے بزرگ شہریوں، بیماروں، جسمانی طور خاص افراد، مزدوروں وغیرہ کی امداد فراہم کی جائے گی۔
طلعت پرویز کے مطابق یہ گروپ ارکان قرنطین ڈیوٹی میں بھی انتظامیہ کو تعاون دیں گے اور انفکشن میں مبتلاءافراد کو الگ کرنے میں بھی مدد فراہم گے۔
 

تازہ ترین