پاکستان میں اپریل کے آخر تک کورونا مریضوں کی تعداد بڑنے کا خدشہ

6 اپریل 2020 (36 : 12 PM)   
(      )

یو این آئی
اسلام آباد//پاکستان میں اپریل کے مہینے میں کورونا وائرس کے متاثرین کی تعداد 50ہزار کو پار کرسکتی ہے ۔یہ خدشہ پاکستان کی قومی صحت خدمات ریگولیشن اور کوآرڈینیشن کی وزارت نے سپریم کورٹ میں سونپی گئی رپورٹ میں اس کا اظہار کیا ہے ۔پاکستان میڈیا کے مطابق رپورٹ میں بتایا گیا ہے کہ اپریل کے آخر تک کورونا انفیکشن کے متاثرین کی تعداد 50ہزار کے پار جار سکتی ہے ۔رپورٹ میں بتایا گیا ہے کہ 2392 مریضوں کے لئے سخت دیکھ بھال کی ضرورت ہوگی جبکہ 7024 شدید طور پر بیمار ہوسکتے ہیں۔اس کے علاوہ 41482 مریض ایسے ہوں گے جو معمولی انفیکشن اور انہیں گھر میں قرنطینہ کی ضرورت ہوگی۔رپورٹ میں کہاگیا ہے کہ یہ جائزہ دیگر ملکوں اور یورپی ممالک کی 35دنوں کی صورت حال کی بنیاد پر کیاگیاہے ۔موجودہ وقت میں پاکستان میں 2835 لوگ کورونا سے متاثر ہیں،جبکہ 42لوگوں کی اس سے موت ہوچکی ہے ۔یواین آئی
 

تازہ ترین