تازہ ترین

متالی کا خاتون آئی پی ایل کرانے کا مطالبہ

27 مارچ 2020 (00 : 01 AM)   
(      )

نئی دہلی/ ہندستانی خاتون ون ڈے ٹیم کی کپتان متالی راج نے ہندوستانی کرکٹ کنٹرول بورڈ (بی سی سی آئی) سے اپیل کرتے ہوئے کہا ہے کہ وہ آئندہ کے لئے انتظار نہیں کریں اور اگلے سال چھوٹے پیمانے پر ہی سہی لیکن خاتون آئی پی ایل کا نظم کرائیں۔ہندستانی خاتون ٹیم طویل عرصے سے خاتون آئی پی ایل کا انتظار کر رہی ہے لیکن بورڈ اس پر اب تک کوئی فیصلہ نہیں لے سکا ہے ۔ اس سال بی سی سی آئی نے مرد آئی پی ایل کے پلے آف کے وقت خواتین کے چار ٹیم کا ٹی -20 ٹورنامنٹ کرانے کا فیصلہ کیا تھا لیکن کورونا کی وجہ سے آئی پی ایل کو 15 اپریل تک ملتوی کرنے کا فیصلہ لیا گیا اور حکومت کی طرف سے 21 دن کے لاک ڈاؤن کو دیکھتے ہوئے آئی پی ایل پر بحران کے بادل چھا گئے ہیں۔متالی نے کہاکہ مجھے ذاتی طور پر لگتا ہے کہ خاتون آئی پی ایل اگلے سال سے شروع ہونا چاہئے ، یہاں تک کہ اگر صرف اسے چھوٹے پیمانے پر شروع کیا جائے اور ضابطوں میں کچھ تبدیلی کی جائے جیسے پہلے ورژن میں پانچ سے چھ غیر ملکی کھلاڑیوں کو ٹیم میں شامل کرنے کی اجازت دی جائے ۔ غور طلب ہے کہ ہندستانی خاتون ٹیم کی گزشتہ ماہ آئی سی سی خواتین ٹی -20 ورلڈ کپ کے فائنل میں آسٹریلیا کے ہاتھوں شکست کے بعد سرکردہ کرکٹر سنیل گواسکر نے خواتین ٹیم کا آئی پی ایل کرانے کی وکالت کی تھی۔ اس سے پہلے 2019 میں تین ٹیموں کا خاتون ٹورنامنٹ کرایا گیا تھا جس میں آئی پی ایل ویلو سٹی ، آئی پی ایل ٹریلبلیزر اور آئی پی ایل سپرنوواس ٹیمیں شامل تھیں۔متالی نے کہاکہ میں مانتی ہوں کہ ہمارے پاس گھریلو سطح پر اتنی ٹیمیں نہیں ہیں لیکن فرنچائزز ٹیم بنا سکتی ہیں ۔ بی سی سی آئی بھی چار ٹیموں کے ساتھ ٹورنامنٹ کے لئے تیار تھی۔ آپ اس کے بارے میں ہمیشہ صرف غور نہیں کر سکتے۔