تازہ ترین

دانش کنیریا کی کرکٹ میں کوچنگ کی اجازت کی درخواست مسترد

تاریخ    13 جنوری 2022 (00 : 01 AM)   


 اسلام آباد/پاکستان کے سابق ٹسٹ کرکٹر دانش کنیریا کی ڈومیسٹک اور لیگ کرکٹ میں کوچنگ کی اجازت دینے کی درخواست کو سندھ ہائی کورٹ نے کو مسترد کر دیا۔چیف جسٹس سندھ ہائی کورٹ احمد علی شیخ کی سربراہی میں دو رکنی بنچ نے دانش کنیریا کی درخواست پر سماعت کی۔وکیل درخواست گزار کا کہنا تھا کہ دانش کنیریا کو پی سی بی بحالی پروگرام میں شامل ہونے کی اجازت دی جائے ۔وکیل پی سی بی کا کہنا تھا کہ دانش کنیریا پر انگلش کاؤنٹی کلب نے پابندی لگائی ہے ، دانش کنیریا پر عمر بھر کیلئے پابندی لگائی گئی ہے ۔پی سی بی کے وکیل کا کہنا تھا کہ انگلینڈ کی عدالت نے بھی دانش کنیریا کی اپیل مسترد کی تھی، سابق کرکٹر پر اسپاٹ فکسنگ کا الزام ہے ۔وکیل دانش کنیریا کا کہنا تھا کہ کرکٹر نے اسپاٹ فکسنگ نہیں کی، صرف میٹنگ کروائی تھی جسے وہ قبول بھی کر چکے ہیں۔وکیل درخواست گزار کا کہنا تھا کہ فکسنگ کرنے والوں کو کھیلنے کی اجازت مل گئی ہے لہٰذا دانش کنیریا کو بھی ڈومیسٹک میچز میں کوچنگ کی اجازت دی جائے ۔سندھ ہائی کورٹ نے فریقین کے دلائل سننے کے بعد دانش کنیریا کی ڈومیسٹک اور لیگ کرکٹ میں کوچنگ کی اجازت دینے کی درخواست مسترد کر دی۔(یواین آئی)