نیوز ڈیسک
نئی دہلی//زیادہ قیمت کے کرنسی نوٹوں کو گردش سے نکالنے کی مشق کے طور پر ایک وقت میں 2000 روپے کے نوٹوں کے تبادلے کے لیے کسی فارم یا ریکوزیشن سلپ کی ضرورت نہیں ہے۔RBI نے جمعہ کو ایک حیران کن اقدام میں 2,000 روپے کے کرنسی نوٹوں کو گردش سے نکالنے کا اعلان کیا لیکن عوام کو 30 ستمبر تک کا وقت دیا کہ وہ ایسے نوٹوں کو کھاتوں میں جمع کرائیں یا انہیں بینکوں میں تبدیل کریں۔
نومبر 2016 کے نوٹ بندی کے جھٹکے کے برعکس، جب 500 روپے اور 1000 روپے کے پرانے نوٹ راتوں رات منسوخ کر دیے گئے، 2000 روپے کے نوٹ قانونی ٹینڈر کے طور پر جاری رہیں گے۔اسٹیٹ بینک آف انڈیا (SBI) نے اپنے تمام مقامی ہیڈ آفسز کے چیف جنرل منیجر کو ایک مراسلے میں بتایا کہ عوام کو 2000 روپے کے نوٹوں کو ایک وقت میں 20,000 روپے کی حد تک تبدیل کرنے کی سہولت بغیر کسی درخواست کے حاصل کرنے کی اجازت ہوگی۔
اس طرح کے نوٹوں کو اپنے اکائونٹ میں جمع کرنے کے سلسلے میں، RBI نے کوئی حد متعین نہیں کی ہے ۔مزید، تبادلے کے وقت کسی شناختی ثبوت کو جمع کرنے کی ضرورت نہیں ہے۔اس نے اپنے مقامی ہیڈ آفسز سے کہا ہے کہ وہ انتظامات کریں اور عوام کے ساتھ ہر طرح کا تعاون کریں تاکہ مشق کو بغیر کسی تکلیف کے ہموار اور بغیر کسی رکاوٹ کے انجام دیا جائے۔ذرائع کے مطابق کوئی بھی 2000 روپے کے نوٹ بدلنے کے لیے کتنی بھی بار قطار میں کھڑا ہو سکتا ہے۔
