زاہد بشیر
گول؍؍ لگا تار بارشوں کی وجہ سے گول و ملحقہ جات میں ندی نالوں میں طغیانی کی سی صورتحال بنی ہوئی ہے جس وجہ سے عام زندگی مفلوج ہو چکی ہے ۔وہیں ٹریفک نظام کے ساتھ ساتھ بجلی نظام بھی درہم برہم ہو کر رہ گیا ہے ۔ گول بازار وملحقہ جات میں ندی نالوں میں طغیانی بنی ہوئی ہے اور رابطہ سڑکوں میں آبِ نکاس نہ ہونے کی وجہ سے سڑکیں زیر آب ہیں جس وجہ سے لوگ گھروں سے باہرنہیں نکل پا رہے ہیں ساتھ ساتھ سکولی بچوں کو بھی آنے جانے میں کافی دقتوں کا سامنا کرنا پڑ رہا ہے ۔
Related
رام بن میں ووٹنگ کی شرح ماضی سے بہتر اورتوقع سے کم رہیگول بازار سے سلبلہ کی طرف جانی والی سڑک گو قریباً گرڈ اسٹیشن تک مکمل طور پر کھنڈر کی شکل اختیار کر چکی ہے ساتھ ساتھ تعمیراتی میٹریل بر لب سڑک ہونے کی وجہ سے بھی ٹریفک میں کافی خلل پیدا ہوتا ہے ۔ اس سڑک پر مختلف مقامات پر کافی عرصہ سے ملبہ پڑا ہوا ہے وہیں ساتھ ساتھ سڑک کی نالیوں کی بھی حالت نہایت ہی ابتر ہے ۔بازار سے گرلز ہائی سکول تک تمام سڑک کی حالت نہایت ہی ابتر ہے اور یہاں بارشوں کے دوران تمام پانی بستی کے ساتھ ساتھ گرلز ہائی سکول کے احاطہ میں بھی جاتا ہے اور نالیوں سے گزرنی والی تمام گندگی کے ڈھیر سکول کے عقب میں جمع ہو جاتے ہیں ۔
وہیں اسی طرح سے گول کی مختلف سڑکوں پر آبِ نکاس نہ ہونے کی وجہ سے جہاں زمینداروں کو شدید مشکلات سے دوچار ہونا پڑ رہا ہے وہیں راہگیروں کو بھی مشکلات کا سامنا ہے ۔ شدید بارشوں کی وجہ سے سردی کی لہر میں مسلسل اضافہ ہوتاجا رہا ہے ۔ بازاروں میں سناٹا چھایا ہوا ہے اور اس مئی کے آخر ی دن میں بھی لوگ گرم ملبوسات کا خوب استعمال کر رہے ہیں ۔ وہیں زمینداروں میں تشویش پائی جا رہی ہے کہ آج مئی اور جون میں اس طرح کی شدید بارشیں اور شدید سردی کی وجہ سے فصلوں کو کافی نقصان پہنچنے کا خدشہ ہے کیونکہ جو مکی بوئی ہوئی تھی وہ تمام سڑگئی ہے اور جن زمینداروں نے ابھی تک مکی کی فصل نہیں بوئی ہے ان کو کافی دیر ہوا ہے اس طرح سے امسال فصل کونقصان پہنچنے کا خدشہ ہے زمینداروں کا کہنا ہے کہ سرکار کو چاہئے کہ وہ غریب زمینداروں کو ریلیف فراہم کرے تا کہ وہ آسانی سے زندگی بسر کر سکیں ۔
