ڈوڈہ میں جے سی بی لڑھک گیا | آپریٹر کی ہلاکت کا خدشہ

اشتیاق ملک
ڈوڈہ // جموں و کشمیر کے ڈوڈہ ضلع میں جمعہ کو ایک کھدائی کرنے والی جے سی بی سڑک سے پھسل کر دریائے چناب میں گرگیا، اس واقعہ میں ڈرائیورکے ڈوب جانے کا خدشہ ہے۔سینئر سپرنٹنڈنٹ آف پولیس، ڈوڈا عبدالقیوم نے بتایا کہ ڈرائیور راہول شرما (25) کو تلاش کرنے کے لیے ایک مشترکہ ریسکیو آپریشن جاری ہے جس کے بارے میں خیال کیا جاتا ہے کہ وہ ڈوب گیا ہے۔انہوں نے بتایا کہ ادھم پور کے دھرمتھل-چنئی کا رہنے والا شرما شیوا دول پل کے قریب کھدائی کا کام کر رہا تھا جب اس نے کنٹرول کھو دیا جس کے نتیجے میں جے سی بی نیچے دریا میں جا گرا۔پولیس نے ایس ڈی آر ایف اور سول انتظامیہ کے ساتھ مل کر مشترکہ تلاشی مہم شروع کی ہے۔ ابھی تک مشین کا صرف ایک حصہ نظر آرہا ہے اور آپریٹر کا ابھی تک پتہ نہیں چل سکا،” ۔