حسین محتشم
پونچھ//ڈسٹرکٹ پولیس پونچھ نے شہید ڈی ایس پی منجیت سنگھ میموریل والی بال کلب پونچھ کے اشتراک سے ڈگری کالج گراؤنڈ پونچھ میں ایک روزہ والی بال چمپئن شپ کا انعقاد کیا جس میں ضلع بھر کی 7 ٹیموں نے حصہ لیا۔چمپئن شپ کا پہلے میچ ناک آؤٹ بنیاد پر کھیلے گئے جس میں کھنیتر والی بال کلب نے بچیاں والی والی بال کلب سے جیتا، گوبھی والی بال کلب نے بہرہ والی بال کلب سے جیتا، شہید ڈی ایس پی منجیت سنگھ میموریل والی بال کلب نے مسجد محلہ والی بال کلب سے جیتا ، شہید ڈی ایس پی منجیت سنگھ میموریل جونیئر ٹیم نے گوبھی والی بال کلب سے جیتا، اس دوران شہید ڈی ایس پی منجیت سنگھ سینئر ٹیم کا کھنیتر والی بال کلب سے مقابلہ ہوا جس میں شہید ڈی ایس پی منجیت سنگھ سینئر ٹیم سخت مقابلے کے بعد میچ جیت گئی۔چمپئن شپ کا فائنل میچ شہید ڈی ایس پی منجیت سنگھ میموریل سینئر ٹیم اور شہید ڈی ایس پی منجیت سنگھ جونیئر ٹیم کے درمیان کھیلا گئے جسے شہید ڈی ایس پی منجیت سنگھ سینئر ٹیم نے جیت کر چمپئن شپ کا خطاب اپنے نام کیا۔ اس موقع پر محمد رشید دوستم (جے کے اے ایس) ڈسٹرکٹ ٹریڑری آفیسر مہمان خصوصی تھے انہوں نے منشیات فروشوں کے خلاف ضلع پولیس پونچھ کی کوششوں کو سراہا۔ انہوں نے محمد طارق چیئرمین شہید ڈی ایس پی منجیت سنگھ میموریل والی بال کلب پونچھ کے معاشرے بالخصوص علاقوں کے نوجوانوں کے لئے کام کرنے کی بھی تعریف کی۔ آج کے عہدیداران شبیر احمد، رمیز طارق، محمد ایاز، پائل شرما اور شاہین اختر تھے۔
