پاک سری لنکا سیریز | ٹیم کی جیت میں اہم کردار ادا کرنا چاہتا ہوں: یاسر شاہ

یو این آئی

راولپنڈی//پاکستان کرکٹ ٹیم کے لیگ اسپنر یاسر شاہ کا کہنا ہے کہ انجری سے واپسی پر مشکل ہوتی ہے تاہم کوشش ہوگی کہ سری لنکا کے خلاف سیریز میں اپنی کارکردگی سے ٹیم کی جیت میں اہم کردار ادا کروں۔راولپنڈی کرکٹ اسٹیڈیم میں پریکٹس سیشن کے اختتام پر میڈیا سے گفتگو کرتے ہوئے ٹیم کے لیگ اسپنر یاسر شاہ کا کہنا تھا کہ ٹیسٹ اسکواڈ میں واپسی کے لیے خوش ہوں جبکہ ڈومیسٹک کرکٹ میں وائٹ بال سمیت ہر فارمیٹ میں کھیلنےکے لیےکوشش کر رہا ہوں۔لیگ اسپنر نے کہا کہ مشتاق احمد اور ثقلین مشتاق کے ساتھ اپنی گوگلی پر کام کیا ہے، کوشش ہوگی کہ سری لنکا کے خلاف سیریز میں اپنی کارکردگی سے ٹیم کی جیت میں اہم کردار ادا کروں۔انہوں نے کہا کہ میچ میں کھیلنے کا فیصلہ وکٹ دیکھ کر ہوگا تاہم چاہتا ہوں پاکستان کے لیے ایک اننگز میں سب سے زیادہ کھلاڑیوں کو آؤٹ کرنے کا ریکارڈ بناؤں۔یاسر شاہ نے کہا کہ ایک سال بعد قومی اسکواڈ میں واپسی ہوئی ہے، نیٹ میں باولنگ مسلسل بالنگ کررہا ہوں جبکہ کپتان بابراعظم بھی حوصلہ بڑھاتے ہیں۔