راجوری//راجوری ضلع میں جموں و کشمیر پولیس نے سیوک ایکشن پروگرام کے تحت والی بال ٹورنامنٹ کا انعقاد کیا جو منگل کو باگلہ ٹیم کے فائنل جیتنے کے ساتھ اختتام پذیر ہوا۔یہ ٹورنامنٹ جموں و کشمیر پولیس کے سیوک ایکشن پروگرام کے تحت ہائر سیکنڈری سکول ڈھونگی میں منعقد کیا گیا جس میں بلاک بھر کی ٹیموں نے حصہ لیااور کھلاڑیوں نے اپنی بہترین صلاحیتوں کا مظاہرہ کیا ۔ٹورنامنٹ کا فائنل میچ پنچایت کیری اور بگلا کی ٹیموں کے درمیان ہوا جس میں بگلا کی ٹیم نے جیت درج کی۔ہائیر سیکنڈری سکول ڈھونگی کے گراؤنڈ میں کھیلے گئے فائنل میچ میں پی ایس آئی ساحل چوہدری، انچارج پی پی چنگس موجود تھے۔انہوں نے کہا کہ منشیات کی لت جیسے چیلنجوں سے لڑنے کے لئے نوجوانوں میں اسپورٹس مین جذبہ ضروری ہے اور جموں و کشمیر پولیس نے ہمیشہ نوجوانوں کی توانائی کو مثبت سمتوں میں منتقل کرنے کے مقصد کے ساتھ اس سلسلے میں قدم اٹھایا ہے۔
راجوری میں والی بال ٹورنامنٹ کا انعقاد
