نیوز ڈیسک
سرینگر// بارڈر سیکورٹی فورس (بی ایس ایف)نے ہفتہ کو کہا کہ برف پگھلنے سے کشمیر میں لائن آف کنٹرول کے ساتھ ملی ٹینٹوں کی دراندازی کے امکانات بڑھ جاتے ہیں لیکن سیکورٹی فورسز نے ایسی کسی بھی کوشش کو ناکام بنانے کے لئے اپنی تیاری تیز کردی ہے۔بی ایس ایف انسپکٹر جنرل اشوک یادو نے یادو آزادی کا امرت مہوتسو کے بی ایس ایف حصے کے زیر اہتمام واکتھون کے اختتام کے بعد نامہ نگاروں سے بات کرتے ہوئے ایل او سی صورتحال کے بارے میں کہا کہ ماضی کے اعداد و شمار سے پتہ چلتا ہے کہ برف پگھلنے کے بعد، دراندازی کے کچھ روایتی راستے کھل جاتے ہیں جو دراندازوں کے اندر گھسنے کی راہ ہموار کرتے ہیں۔
انہوں نے کہا کہ بی ایس ایف فوج کے ساتھ مل کر اس بات کو یقینی بنائے گی کہ کوئی پار سے اس طرف داخل ہوتا ہے۔ انہوں نے کہا کہ بی ایس ایف کمزور راستوں کی نقشہ سازی کرے گا اور اسی کے مطابق اپنی تعیناتی کا منصوبہ بنائے گا۔انہوں نے کہا کہ ہم دوسری طرف سے منشیات، ہتھیاروں اور دہشت گردوں کو وادی میں دھکیلنے کی کوششوں سے نمٹنے کے لیے سنجیدگی سے کام کر رہے ہیں۔ انسپکٹر جنرل اشوک یادو نے کہا کہ اس سال کامیاب امرناتھ یاترا کیلئے مربوط سیکورٹی گرڈ بنایا جائے گا۔نشاط سے ٹیولپ گارڈن تک بی ایس ایف کے زیر اہتمام واکتھون پروگرام کے موقع پر نامہ نگاروں سے بات کرتے ہوئے آئی جی بی ایس ایف نے کہا کہ بی ایس ایف اس سال پرامن اور ہموار امرناتھ یاترا کو یقینی بنائے گی۔ امرناتھ یاترا انتظامیہ اور پولیس کی نگرانی میں چلائی جا رہی ہے۔ بی ایس ایف نے ضرورت کے مطابق اپنے کردار کے لیے تیاریاں کی ہیں۔ ہمارے جوانوں کو اسٹریٹجک اور خطرناک مقامات پر تعینات کیا جائے گا تاکہ کسی بھی قسم کی قدرتی آفت کی صورت میں سفر کو یقینی بنایا جا سکے۔ امرناتھ کی سالانہ یاترا یکم جولائی سے شروع ہونے کا امکان ہے۔ انہوں نے کہا کہ بی ایس ایف باقی ملک کو یہ پیغام دینا چاہتی ہے کہ کشمیر میں امن، خوشحالی اور ترقی ہے۔انہوں نے مزید کہا کہ ہماری کوشش ہے کہ ایسے پروگرامز کا انعقاد کیا جائے جس سے کشمیری نوجوانوں کو بھی ترغیب ملے۔ انہوں نے کہا کہ دہشت گردی کو شکست دینے اور منشیات کے انسداد کے لیے ہمارے جوانوں کے حوصلے بلند ہیں اور کسی بھی صورت حال سے نمٹنے کے لیے تیار ہیں۔ کشمیر میں سرگرم عسکریت پسندوں کی تعداد کے بارے میں، انہوں نے کہا: “اس مسئلے پر بات کرنا ان کا کام نہیں ہے۔
