عازم جان
بانڈی پورہ //بانڈی پورہ کے حاجن سوناواری علاقے میں ایک تیز رفتار آٹو کی زد میں آکر 4 سالہ کمسن لقمہ اجل بن گیا۔پولیس کے مطابق جمعرات کی صبح آٹو لوڈ کیرئیر جس میں دودھ کے بیرل بھرے ہوئے تھے، نے راہ چلتے بچے کو ٹکر مار کرکچل دیا، بچے کو شدید زخمی حالت میںپبلک ہیلتھ سنٹر حاجن منتقل کر دیا گیا ،جہاں پہنچنے پر ڈاکٹروں نے اسے مردہ قرار دے دیا۔ 4 سالہ کمسن کی شناخت حارث مشتاق ولد مشتاق احمد حرہ ساکن پرے محلہ حاجن کے طور سے ہوئی ہے۔حاجن پولیس نے واقعہ کا نوٹس لیتے ہوئے کیس درج کیا ہے۔ادھروانگت کنگن میں ایک شخص زخمی ہوا۔ ماروتی کار زیر نمبر JK01L/8886 گہری کھائی میں جاگری جس کے نتیجے میں محمد اختر کالس ولد محمد صادق کالس ساکن ونی آرم وانگت کنگن زخمی ہوگیا ۔
