نیوز ڈیسک
جموں// لیفٹیننٹ گورنر منوج سنہا نے وزیر خزانہ نرملا سیتا رمن اور وزیر اعظم نریندر مودی کا ‘امرت کال’ کے پہلے بجٹ کے لیے شکریہ ادا کرتے ہوئے کہا کہ یہ ملک کو تیز، پائیدار اور زیادہ جامع ترقی کی طرف 5ٹریلین ڈالر کی معیشت کا ہدف حاصل کرنے کا راستہ فراہم کرے گا۔لیفٹیننٹ گورنر نے کہا، ’’ نریندر مودی کی رہنمائی میں وزیر خزانہ کے ذریعہ پیش کیا گیا امرت کال کا پہلا بجٹ پائیدار، مساوی اور جامع ترقی کو یقینی بنانا اور 5 ٹریلین ڈالر کی معیشت کے سنگ میل کو حاصل کرنا اور ہندوستان کو ایک عالمی پاور ہاؤس ملک میں تبدیل کرنا ہے۔”نوجوانوں، ترقی اور روزگار کی تخلیق، مضبوط اور مستحکم میکرو اکنامک ماحول اور کسانوں، خواتین، پسماندہ طبقوں، متوسط طبقے اور بنیادی ڈھانچے کے لیے ترجیحات کے ساتھ شہریوں کے لیے امرت کال کے مواقع کا وڑن، معیشت کو ترقی کی بہترین راہ پر گامزن کرے گا۔ “سنہا نے ایک بیان میں کہا “بنیادی ڈھانچے اور روزگار کے مواقع پیدا کرنے، سبز ترقی، زراعت کو تیز کرنے والے فنڈ، جانوروں کے پالنے کے لیے ٹارگٹڈ فنڈنگ اور Atmanirbhar بھارت ہارٹیکلچر کلین پلانٹ پروگرام اور سیاحت کے فروغ پر بڑھتی ہوئی سرمایہ کاری سے معیشت پر زبردست اثر پڑے گا۔”لیفٹیننٹ گورنر نے کہا”عام آدمی کی تیز رفتار ترقی اور بہبود بجٹ 2023-24 کے مرکز میں ہے۔ وزیر خزانہ نرملا سیتا رمن اور وزیر اعظم نریندر مودی کا پی ایم وکاس کے ذریعے ہینڈ لوم اور دستکاری کے شعبے میں ترقی کی رفتار کو تیز کرنے کے لیے مشکور ہوں۔ اس سے J&K UT کے لاکھوں کاریگروں کو بہت فائدہ پہنچے گا،” ۔
