دبئی//ایشیاکپ میں روایتی حریف بھارت اور پاکستان کے مابین میچ کے پہلے مرحلے کے تمام ٹکٹ ہاتھوں ہاتھ فروخت ہوگئے۔ متحدہ عرب امارات (یو اے ای) میں ہونے ایشیاکپ کیلئے بھارت اور پاکستان کی ٹیمیں 28 اگست کو ایک دوسرے کے مدمقابل ا?ئیں گی تاہم اس سے قبل میچ کے پہلے مرحلے کے ٹکٹس محض 3 گھنٹوں میں فروخت ہوگئے منتظمین کا کہنا ہے کہ پلاٹینم لسٹ میں شامل ٹکٹیں جلد فروخت کیلئے پیش کی جائیں گی تاہم حکام کا کہنا ہے کہ توقع ہے کہ وہ بھی قبل از وقت فروخت ہوجائیں۔ دوسری جانب ایشیاکپ کے دیگر میچز کے لیے ٹکٹس کی فروخت جاری ہے جبکہ سب سے کم قیمت کے ٹکٹ کی مالیت تقریبا ڈھائی ہزار درہم ہے۔ سماجی رابطے کی سائٹ ٹوئٹر پر کچھ شائقینِ کرکٹ نے اپنے ٹکٹس کو اصل قیمت سے زائد پر فروخت کرنے کی بھی کوشش کی، جس پر ٹکٹنگ پلیٹ فارم نے فوری جواب دیتے ہوئے کہا کہ ٹکٹوں کی دوبارہ فروخت سختی سے ممنوع ہے اور اگر کوئی دوسرا فرد یہ ٹکٹ خریدے گا تو وہ منسوخ کردیا جائے گا۔ قبل ازیں ایشین کرکٹ کونسل (اے سی سی) نے اعلان کیا تھا کہ ٹکٹوں کی فروخت پیر کو ہوگی تاہم کونسل نے وقت کا تعین نہیں کیا تھا جس کے باعث شائق صبح سویرے سے ویب سائٹ پر ا?ن لائن بکنگ کا انتظار کررہے تھے۔واضح رہے کہ ایشیا کپ 2022 کے دوسرے دن ہونے والے ہندوستان پاکستان مقابلے کے ٹکٹ کے لئے فینس کو کافی پریشانیوں کا سامنا کرنا پڑ رہا ہے۔ دونوں ہی ممالک کے کرکٹ مداح ہر حال میں اس مقابلے کا لطف اسٹیڈیم میں جاکر اٹھانا چاہتے ہیں۔ یہی سبب ہے کہ ان کے درمیان ٹکٹ خریدنے سے متعلق ہوڑ مچی ہوئی ہے۔
