آئی سی سی رینکنگ میں وراٹ کوہلی کو زبردست برتری بولنگ میں بھی بھارتی کھلاڑیوں کی چھلانگ

نئی دہلی//آئی سی سی نے تازہ ترین ہفتہ وار رینکنگ جاری کر دی ہے۔ گزشتہ ہفتے بھارت – آسٹریلیا چوتھے، جنوبی افریقہ – ویسٹ انڈیز دوسرے اور نیوزی لینڈ – سری لنکا پہلا ٹیسٹ کھیلا گیا۔ اس کے علاوہ بنگلہ دیش اور انگلینڈ کے درمیان تین میچوں کی ٹی ٹوئنٹی سیریز اور ورلڈ کپ لیگ 2 ون ڈے بھی کھیلے گئے۔ ٹیسٹ ٹیم رینکنگ میں آسٹریلیا کو سیریز میں شکست کی وجہ سے چار پوائنٹس کا نقصان ہوا لیکن وہ بدستور پہلے نمبر پر ہے۔ ہندوستانی ٹیم کو سیریز 2-1 سے جیتنے کی وجہ سے چار پوائنٹس ملے ہیں اور وہ 119 پوائنٹس کے ساتھ دوسرے نمبر پر ہے۔ٹیسٹ بلے بازی کی رینکنگ میں آسٹریلیا کے مارنس لابوشین پہلے اور اسٹیو اسمتھ دوسرے نمبر پر برقرار ہیں۔ ٹریوس ہیڈ ٹاپ 10 میں پانچویں نمبر پر ہیں جبکہ عثمان خواجہ دو درجے فائدہ اٹھا کر ساتویں نمبر پر ہیں۔ کین ولیمسن بدستور چھٹے نمبر پر ہیں لیکن ان کے 35 پوائنٹس کا اضافہ ہوا ہے۔ نیوزی لینڈ کے ڈیرل مشیل کیریئر کی بہترین آٹھویں پوزیشن پر پہنچ گئے ہیں۔ بھارت کے ٹاپ 10 میں رشبھ پنت نویں اور روہت شرما 10 ویں نمبر پر ہیں۔وراٹ کوہلی سات مقام کے فائدہ کے ساتھ ٹاپ 10 میں سے 13 ویں نمبر پر پہنچ گئے ہیں۔ اس کے علاوہ شبھمن گل 17 درجے ترقی کے ساتھ 46 ویں اور اکشر پٹیل آٹھ مقام آگے بڑھ کر 44 ویں نمبر پر پہنچ گئے ہیں۔ جنوبی افریقہ کے ٹیمبا باوما 14 درجے بہتری کے ساتھ 15 ویں اور ایڈن مارکرم 11 درجے بہتری کے ساتھ 22 ویں، سری لنکا کے اینجلو میتھیوز دو درجے بہتری کے ساتھ 17 ویں اور آسٹریلیا کے کیمرون گرین 11 درجے بہتری کے ساتھ 26 ویں نمبر پر آ گئے ہیں۔ بولنگ میں روی چندرن اشون پہلے نمبر پر ہیں اور ان کے 10 پوائنٹس کا اضافہ ہوا ہے۔ نیوزی لینڈ کے ٹم ساؤتھی 6 درجے بہتری کے بعد 12 ویں نمبر پر ہیں۔ ویسٹ انڈیز کے کائل میئرز 10 درجے ترقی کر کے 32 ویں نمبر پر پہنچ گئے ہیں۔ آل راؤنڈر رینکنگ میں رویندرا جڈیجہ پہلے اور روی چندرن اشون دوسرے نمبر پر ہیں جبکہ اکشر پٹیل کو ایک مقام کا فائدہ ہوا ہے اور وہ چوتھے نمبر پر ہیں۔ ون ڈے رینکنگ میں نیپال کے روہت پوڈیل چار درجے بہتری کے ساتھ 55 ویں اور آصف شیخ 16 درجے بہتری کے ساتھ 62 ویں نمبر پر پہنچ گئے ہیں۔ بولنگ میں سندیپ لامیچھانے 5 مقام کے فائدہ سے 21 ویں نمبر پر پہنچ گئے ہیں۔ٹی ٹوئنٹی رینکنگ میں بنگلہ دیش کے نجم الحسین شانتو 68 درجے بہتری کے ساتھ 16 ویں نمبر پر پہنچ گئے ہیں جبکہ لٹن داس 9 درجے ترقی کے ساتھ 22 ویں نمبر پر پہنچ گئے ہیں۔