سرینگر//جموں و کشمیر حکومت نے پیر کو 6 آئی اے ایس افسران کو انڈین ایڈمنسٹریٹو سروس کے مختلف زمروں میں ترقی دینے کے احکامات صادر کئے ہیں۔ جنرل ایڈمنسٹریشن ڈیپارٹمنٹ کی طرف سے جاری ایک حکم نامے کے مطابق 2افسران شیتل نندا اور سوگت بسواس کو یکم جنوری 2022 سے آئی اے ایس کے سپر ٹائم سکیل (پے میٹرکس کے لیول 14) پر ترقی دی گئی ہے۔اس میں مزید کہا گیا ہے کہ افسران مڈ کریئر فیز IV کی تربیت سے گزریں گے جب حکومت ہند کی طرف سے تعیناتی کی جائے گی اور انہیں ایک سال کے اندر محکمانہ امتحان پاس کرنا ہوگا، جیسا کہ قابل اطلاق ہو۔اس کے نتیجے میں، شیتل نندا کو حکومت کا کمشنر/ سکریٹری کے طور پر نامزد کیا جائے گا۔3 آئی اے ایس افسران بشمول سشما چوہان، ڈاکٹر شاہد اقبال چودھری اور سرمد حفیظ کو یکم جنوری 2022 سے ، آئی اے ایس (پے میٹرکس کا لیول13) کے سلیکشن گریڈ میں ترقی دی گئی ہے۔نتیجتاً، ان 3آئی اے ایس افسران کو حکومت کے سیکریٹری کے طور پر نامزد کیا جائے گا۔فضل للہ حسیب (آئی اے ایس) کو یکم جنوری2022 سے آئی اے ایس کے سینئر ٹائم اسکیل (پے میٹرکس کا لیول 11) پر ترقی دے دی گئی ہے۔
۔6آئی اے ایس افسروں کو ترقیاں
