سرینگر //جموں و کشمیر میں پچھلے 24 گھنٹوں کے دوران 25 ہزار 753 تشخیصی ٹیسٹ کئے گئے جن میں 531افراد کی رپورٹیں مثبت آئیں اور اسطرح متاثرین کی مجموعی تعدادایک لاکھ 13ہزار288تک پہنچ گئی ۔ ان میں 67251کشمیر جبکہ جموں صوبے میں یہ تعداد 46ہزار کا ہندسہ پار کرکے 46037ہوگئی ہے۔ اتوار کو مزید 4افراد کورونا وائرس سے فوت ہوگئے۔ متوفین کی مجموعی تعداد 1746ہوگئی ہے جن میں1126کشمیر جبکہ 620 جموں صوبے میں فوت ہوئے ہیں۔ نئے 531معاملات میں 223کشمیر جبکہ 308جموں صوبے میں متاثر ہوئے ہیں۔ کشمیر کے223متاثرین میں 97سرینگر، 36 بارہمولہ، 29 بڈگام، 10پلوامہ، 7 کپوارہ، 14 اننت ناگ، 11بانڈی پورہ، 9 گاندربل،0کولگام اور10شوپیان سے تعلق رکھتے ہیں۔ جموں صوبے کے ضلع جموں میں 132، 23راجوری، 28ادھمپور، 25ڈوڈہ، 35 کٹھوعہ، 6پونچھ، 15سانبہ، 28 کشتواڑ، 4 رام بن اور 12ریاسی سے تعلق رکھتے ہیں۔
مزید 4فوت
پچھلے 24گھنٹوں کے دوران جموں و کشمیر میں 4افراد کورونا وائرس سے فوت ہوگئے۔ مرنے والوں میں ایک کشمیر جبکہ 3جموں صوبے سے تعلق رکھتے ہیں۔ کشمیر میں فوت ہونے والے مریض کا تعلق سرینگر سے ہے۔سرینگر میں تعینات محکمہ صحت کے ایک سینئر ڈاکٹر نے کشمیر عظمیٰ کو بتایا کہ بٹہ مالو کا رہنے والا 70سالہ معمر شخص کورونا وائرس سے پیدا ہونے والے نمونیا سے فوت ہوگیا ہے۔ سینئر ڈاکٹر نے بتایا کہ مذکورہ شخص کو چند دن قبل صدر اسپتال میں داخل کیا گیا جہاں اتوار کو فوت ہوگیا۔ جموں صوبے میں کورونا وائرس سے مزید 3افراد فوت ہوگئے۔ مرنے والوں میں ایک کشتواڑ جبکہ 2کا تعلق جموں ضلع سے ہے۔
حکومتی بیان
سرکاری بلیٹن میں بتایا گیا ہے کہ نوول کورونا وائرس کے1,13,288معاملات سامنے آئے ہیں جن میں سے5,170سرگرم معاملات ہیں ۔ اَب تک1,06,372اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,746تک پہنچ گئی ،جن میں سے 1,126کا تعلق کشمیر صوبہ سے اور620کاتعلق جموں صوبہ سے ہیں۔اِس دوران اتوار کومزید366افرادشفایاب ہوئے ہیںجن میںجموں صوبے کے194اَفراداور کشمیر صوبے کے 172اَفرادشامل ہیں۔بلیٹن میں مزید کہا گیا ہے کہ اَب تک 31,74,647ٹیسٹوں کے نتائج دستیاب ہوئے ہیں جن میں سے 06؍دسمبر 2020 کی شام تک 30,61,359نمونوں کی رِپورٹ منفی پائی گئی ہے ۔علاوہ ازیں اَب تک8,07,280افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں20,940اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔5,170 اَفراد کوآئیسولیشن میں رکھا گیا ہے جبکہ29,371اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب7,50,053اَفرادنے 28روزہ نگرانی مدت پوری کی ہے۔
