سرینگر //جموں و کشمیر میں 16ماہ کے دوران پہلی مرتبہ کورونا وائرس کی تشخیص کیلئے ریکارڈ 61ہزار سے زائد ٹیسٹ کئے گئے جن میں 5سفر کرنے والوں سمیت مزید 338افراد کی رپورٹیں مثبت آئی ہیں۔ متاثرین کی مجموعی تعداد 3لاکھ 16ہزار 629تک پہنچ گئی ہے۔ اس دوران جموں و کشمیر میں 18اپریل کے بعد پہلی مرتبہ مرنے والوں کی تعداد 5سے کم ہوگئی ہے۔ سنیچر کو 2افرادکورونا وائرس سے فوت ہوگئے۔)اس سے قبل 18اپریل 2021کو جموں و کشمیر میں کورونا وائرس سے 6افراد فوت ہوئے تھے(۔ متوفین کی مجموعی تعداد 4335تک پہنچ گئی ہے۔ گذشتہ 24گھنٹوں کے دوران کورونا وائرس کی تشخیص کیلئے 61ہزار 535ٹیسٹ کئے گئے جن میں 338افراد کی رپورٹیں مثبت آئی ہیں۔ مثبت قرار دئے گئے 338افراد میں 100جموں جبکہ 238کشمیر صوبے سے تعلق رکھتے ہیں۔ کشمیر صوبے سے تعلق رکھنے والے 238متاثرین میں 5بیرون ریاستوں سے سفر کرکے کشمیر پہنچے جبکہ 233افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر کے 238متاثرین میں سرینگر میں96، بارہمولہ میں19، بڈگام میں20 ,پلوامہ میں16،کپوارہ میں19، اننت ناگ میں19، بانڈی پورہ میں10،گاندربل میں21،کولگام میں16اور شوپیان میں2افراد کی رپورٹیں مثبت آئی ہیں۔متاثرین کی مجموعی تعداد1لاکھ96ہزار677ہوگئی ہے۔ اس دوران کشمیر میںمزید1۱فراد وائرس سے فوت ہوگئے۔جی ایم سیبارہمولہ میں ایک متاثرہ شخص فوت ہوگیا ۔ کشمیر صوبے میں متوفین کی مجموعی تعداد2222ہوگئی ہے۔ جموں میںسنیچر کومزید100فراد کی رپورٹیں مثبت آئی ہیں جو سبھی مقامی سطح پر رابطے میں آنے کی وجہ سے متاثر ہوئے ہیں۔۔ جموں صوبے کے100متاثرین میں جموں میں14، ادھمپور میں4، راجوری میں12، ڈوڈہ میں42، کٹھوعہ میں3، کشتواڑ میں۴۱، پونچھ میں7,رام بن میں4اور ریاسی اور سانبہ میں کسی کی رپورٹ مثبت نہیں آئی ہے۔ جموں صوبے میں متاثرین کی مجموعی تعداد119952ہوگئی ہے۔ جموں صوبے میںپچھلے 24گھنٹوں کے دوران کورونا وائرس سے مزید1اشخص فوت ہوگیا ۔فوت ہونے والا شخص ایسکام جموں میں زیر علاج تھا جہاں وہ سنیچر کو اسکی موت ہوگئی۔ متوفین کی مجموعی تعداد2113بنی ہوئی ہے۔
۔16ماہ بعد ریکارڈ 61ہزار سے زائد ٹیسٹ|74روز بعد 5سے کم اموات
