سرینگر/ جہانگیر چوک رامباغ فلائی اْوور کے دوسرے حصے کا افتتاح آج ہونے والا ہے۔حکام کے مطابق مذکورہ فلائی اْوور کا پہلا حصہ ایک سال قبل شروع ہوا تھاتاہم اس کا دوسرا حصہ کل ٹریفک کیلئے کھولا جائے گا۔اس فلائی اْوور کی تعمیر کا آغاز اکتوبر2013کو ہوا تھا اور یوں پانچ سال میں سرینگرمیں اپنی نوعیت کا اب تک کا یہ سب سے بڑا پروجیکٹ مکمل ہوگیا۔اب جس حصے کا افتتاح ہوگا، وہ رامباغ سے آلوچی باغ تک 1.04 کلومیٹر پر مشتمل ہے اور اس پر37.5 کروڑ روپے کی لاگت آئی ہے۔حکام کے مطابق فلائی اْوور کا یہ حصہ شروع ہونے سے گاڑیوں کیلئے 15منٹ کا سفر محض ایک منٹ میں طے ہوگا اور لالچوک جانے والی گاڑیوں کیلئے بہت ہی آرام دہ ثابت ہوگا۔حکام کے مطابق اس سے علاقے میںروز مرہ کے ٹریفک جام سے بھی کافی حد تک راحت ملے گی۔یاد رہے کہ سرکار نے فلائی اور کی تعمیر کے دوران اُس کو مکمل کرنے کیلئے کئی ایک ڈیڈ لائن بھی مقرر کی تھیں لیکن یہ اُس پر مکمل نہیں ہوا جبکہ اُس پر کام کرنے والے ٹھکیدار کو جرمانہ بھی ہوا ۔خیال رہے اپنی نوعیت کا سب سے بڑی پروجیکٹ کو وقت پر مکمل نہ کرنے میں اکثر میڈیا میں چھایا رہا ہے جبکہ تعمیر کرنے کے دوران شہر کا ایک بڑا روڑ بند ہونے کے نتیجے میں عوام کو مشکلات کا سامنا کرنا پڑا ہے اس قبل گزشتہ دنوں ہی سرینگر کے ٹی آر سی کے نزدیک بنایا گیا فلائی اُور کو دو ہفتے قبل ہی عوام کے نام وقف کیا گیا تھا ۔
۔15منٹوں کا سفر اب ایک منٹ میں
