نئی دہلی//مرکزی وزیر اقلیتی امور مختار عباس نقوی نے کہا ہے کہ حکومت حج 2022کیلئے سعودی حکومت کی جانب سے اشارے کے منتظر ہیں اور امسال دس جگہوں سے عازمین کو سفر محمود پر روانہ کیا جائے گا جو پہلے 21جگہوں سے روانہ ہوتے تھے ۔ پارلیمنٹ میںوقفہ سوالات کے دوران نقوی نے کہا کہ دو سالوں بعد حج ہورہا ہے اور امید ہے کہ سعودی عرب کی جانب سے مثبت جواب آنے کے بعد بھارت سے بھی حج قافلے روانہ کئے جائیں گے ۔ انہوں نے بتایا کہ کووڈ 19کے نتیجے میں بھارت سے دو برس تک کوئی بھی عازم حج کے سفر پر روانہ نہیں ہوا ۔ انہوںنے بتایا کہ اب جبکہ عالمی سطح پر کووڈ کی صورتحال بہتر ہے اور خاص کر سعودی عرب میں بھی کووڈ کی پابندیاں ختم کی جارہی ہیں اس تناظر میں ہم نے بھی اپنی تیاریاں مکمل کرلی ہیں ۔ نقوی نے مزید کہا کہ پہلے بھارت سے 21 مقامات سے عازمین سفر محود پر روانہ ہوتے تھے تاہم اب صرف دس جگہوں سے ہی عازمین کو روانہ کیا جائے گا۔ یاد رہے کہ گزشتہ روز سعودی حکومت نے مکہ اور مدینہ شریف میں رمضان کے دوران اعتکاف کی اجاز ت دی ہے ۔
۔ 10مقامات سے عازمین روانہ ہونگے
