گورنر راج کے نفاذ کے دوران عوامی مسائل کا نمٹارہ

سری نگر//ریاست میں 20جون سے گورنر راج کے نفاذ سے لے کر31 اگست2018 تک گریوینس سیل کو17557شکایات موصول ہوئیں جن میں سے17145 ( بشمول گورنر رول سے قبل موصول ہوئی) شکایات کو نمٹارے کے لئے متعلقہ محکموں کو بھیجا گیا جبکہ 65شکایات کو نمٹانے کا عمل جاری ہے۔اس مدت کے دوران گورنر سیکرٹریٹ کو5321 شکایات موصول ہوئیں جن میںسے5019 شکایات کو متعلقہ کوارٹروں تک پہنچایا گیا۔اسی طرح گورنر کی ہدایت پر گورنر کے مشیر متواتر بنیادوں پر لوگوں سے مل کر اُن کی شکایات اور مسائل سُنتے رہے ہیں۔گورنر کے تینوں مشیروں نے عوامی رابطہ مہم کے تحت17 جولائی2018 سے اب تک908 وفوداور773 افراد کے مسائل سُنے ہیں۔مشیروں کی نوٹس میں جتنے بھی مسائل اور شکایات آئیں اُن سب کا نپٹارہ کیا گیا ہے اور انہیں متعلقہ کوارٹروں تک پہنچایا گیا ہے۔ اس کے علاوہ گورنر نے مشیروں کو ہدایت دی ہے کہ وہ اپنے ماتحت محکموں کے تعلق سے ملی شکایات کا متواتر بنیادوں پر جائیزہ لیں اور ہر محکمہ کے نوڈل افسر کی جانب سے ان شکایات کے نپٹارے کے عمل کا بھی جائیزہ لیں۔کُل ملا کر اس مدت کے دوران19238 شکایات موصول کی گئیں جن میں سے18826 ( بشمول گورنر راج سے قبل موصول ہوئی) شکایات کو نمٹانے کے لئے متعلقہ محکموں کو بھیجا گیا جبکہ 31 اگست 2018 کے اعداد وشمار کے مطابق65 شکایات کے نپٹارے کا عمل جاری ہے۔