گزشتہ شکست کے صدمے سے ابھرکر کولکاتا کے سامنے دہلی چیلنج پیش کرے گی

احمد آباد//دہلی کیپیتل کی ٹیم اپنے گزشتہ مقابلے میں رائلس چیلنجر بینگلوروں سے ملی ایک رن کی نزدیکی شکست سے ابھر کر کولکاتا نائٹ رائیڈرس کے خلاف جمعرات کو یہاں نریندر مودی اسٹیڈیم میں ہونے والے آئی پی ایل مقابلے میں سخت چیلنج پیش کرے گی۔دہلی نے اپنے گزشتہ دو میچوں میں پہلا سپر اوور میں جیتا جبکہ دوسرا بنگلورو ٹیم سے محض ایک رن سے گنوایا۔ دوسری جانب کولکاتا نے اپنے پچھلے مقابلے میں پنجاب کنگس کو پانچ وکٹ سے ہرایا تھا۔ دہلی کیپیٹلس چھ میچوں میں چار فتوحات اور 8 پوائنٹ کے ساتھ فہرست میں تیسرے مقام پر ہے۔ دلی نے بنگلوروں کے خلاف جیت کے لئے 172 رن کے ہدف کا تعاقب کرتے ہوئے 170 رن بنائے تھے۔ دلی کو آخری اوور میں 14 رن بنانے تھے لیکن محمد سراج کے اس اوور میں دلی کے کپتان رشبھ پنت نے آخری دو گیندوں پر دو چوکے لگائے۔ سراج نے پہلی چار گیندوں پر محض چار رن دیئے تھے۔نائٹ رائڈرس نے اپنے پچھلے مقابلے میں پنجاب کی ٹیم کو پانچ وکٹ سے شکست دی تھی۔ کولکاتا نے پنجاب کو 9 وکٹ پر 123 رن پر روکنے کے بعد کپتان ایون مارگن کی ناٹ آؤٹ 47 رن کی اننگز سے 164 اورر میں پانچ وکٹ پر 126 رن بناکر آسان جیت اپنے نام کی تھی۔دلی اور کولکاتا کے لئے یہ مقابلہ کافی اہم ہونے جارہا ہے۔ دونوں ٹیموں کو جیت سے ملنے والے دو پوائنٹ ان کی پوزیشن میں کافی تبدیلی لاسکتی ہیں۔یو این آئی