کہنہ کھن ڈلگیٹ میں غیرقانونی تعمیرات منہدم

سرینگر//لیکس اینڈ واٹر ویز ڈیولپمنٹ اتھارٹی کی انفورسمنٹ ونگ نے کہنہ کھن ڈلگیٹ،درگجن اور شاہدادباغ حبک میں دورہائشی مکانوں اور دو دکانوں جنہیں غیر قانون طور کھڑاکیاگیا تھاکو منہدم کیا۔ قابل ذکر ہے کہ کوروناوائرس کی عالمگیر وباء کی دہشت کے باوجود انفورسمنٹ ونگ نے یہ انہدامی کارروائی انجام دی۔بیان میںلاوڈانے لوگوں سے اپیل کی کہ وہ کوروناوائرس کی عالمگیر وباء کے دوران جب وادی سمیت پوری دنیا کوخطرہ ہے،خلاف ورزی کرنے والے غیرقانونی تعمیرات کھڑاکرنے میں مشغول ہیں اور ان کا سماجی بائیکاٹ کیاجانا چاہئے ۔بیان میں کہاگیا ہے کہ ہائی کورٹ کی طرف سے ممنوع قراردئے گئے علاقوں میں غیرقانونی تعمیرات کی اجازت نہیں دی جائے گی۔