کھیلو انڈیاسرمائی کھیلوں کا اختتام | گولف کورس گلمرگ میں شاندار تقریب

گلمرگ//کھیلو انڈیا ونٹر گیمز 2024 کے چوتھے ایڈیشن کے پانچ روزہ کھیلوں کے شو کا شاندار مظاہرہ اتوار کو گولف کورس گلمرگ میں ایک شاندار اختتامی تقریب میں اختتام پذیر ہوا۔سکریٹری جموں و کشمیر سپورٹس کونسل نزہت گل کے علاوہ جو اس موقع پر مہمان خصوصی تھیں۔ تقریب میں گلمرگ ڈیولپمنٹ اتھارٹی کے سی ای او وسیم راجہ، جی ایم کیبل کار کارپوریشن، ایس ایس پی ٹریفک رورل، 6 بار کے اولمپیٔن، کھلاڑیوں، عہدیداروں اور دیگر مقامی لوگوں کی ایک بڑی تعدادنے شرکت کی۔KIWG کے چوتھے ایڈیشن نے آرمی کو نئے چیمپیٔن کے طور پر تاج پہنایا جس نے 10 طلائی، 5 چاندی اور 6 کانسی کے تمغوں کے ساتھ ٹاپ پوزیشن حاصل کی، اس کے بعد کرناٹک نے 9 طلائی اور 2 چاندی کے تمغوں کے ساتھ پہلی اور دوسری رنر اپ مہاراشٹر نے 7 طلائی، 8 چاندی اور 7 کانسی کے تمغے جموں و کشمیر 1 طلائی، 6 چاندی اور 4 کانسی کے تمغوں کے ساتھ تمغوں کی فہرست میں 9 ویں نمبر پر ہے۔میزبانوں کی طرف سے شاہد احمد چاچی نے ورٹیکل سکی ماؤنٹینیٔرنگ میں واحد گولڈ میڈل حاصل کیا جبکہ اسپرنٹ کے ایک اور ڈسپلن میں چاندی کا تمغہ جیتا اور سکی ماؤنٹینیرنگ مین ریلے گروپ میں تین دیگر ساتھیوں کے ساتھ کانسی کا تمغہ حاصل کیا۔چاچی کے علاوہ شازی حسن، صوبیہ نبی، شائستہ شبیر اور وقار نے بھی بالترتیب سکی ماؤنٹینیرنگ ویمن اسپرنٹ، الپائن سکیٔنگ ویمن سلوم اور الپائن سکینگ ویمن پارلل اور مین پارلل سلالم میں چاندی کے تمغے حاصل کیے۔اس کے علاوہ، جموں و کشمیر نے سکی ماونٹینیرنگ ویمن ریلے میں ایک اور چاندی کا تمغہ جیتا جس میں شازیہ حسن، مریم فاروق اور نوریان لطیف نے مل کر ٹائٹل جیتنے کیلئے پرجوش جذبے کا مظاہرہ کیا۔مزید برآں چار کانسی کے تمغے بھی جموں و کشمیر کی بالٹی میں آئے جن میں ایک مین ریلے سکی ماؤنٹینیرنگ ٹیم کا تھا اور تین دیگر انفرادی مقابلوں میں گوسیا گلزار، مہراج الدین بٹ اور مہراج الدین خان نے بنائے تھے۔اختتامی تقریب سے خطاب کرتے ہوئے سپورٹس کونسل کی سکریٹری نزہت گل نے کھیلو انڈیا سرمائی کھیلوں کے چوتھے ایڈیشن کے کامیاب انعقاد کے لیے اپنی خدمات انجام دینے پر ڈویژنل انتظامیہ، ضلعی انتظامیہ، سول محکموں اور سیکورٹی ایجنسیوں کے افسران اور اہلکاروں کا شکریہ ادا کیا۔انہوں نے کہا کہ KIWG میں حصہ لینے والے کھلاڑی وزیر اعظم نریندر مودی کے خواب کو پورا کر رہے ہیں۔