کک باکسنگ چمپئن شپ:سالواتور انٹرنیشنل سکول سمبل نے سونے اور چاندی کا تمغہ جیتا

 عظمیٰ نیوز سروس

سرینگر//سالواتور انٹرنیشنل اسکول سمبل نے ایک بار پھر مہاراشٹر کک باکسنگ ایسوسی ایشن کے زیر اہتمام WAKO انڈیا نیشنل چلڈرن اینڈ کیڈٹس کک باکسنگ چیمپیئن شپ میں سونے اور چاندی کا تمغہ جیت کر جموں و کشمیر کے مرکزی علاقے کا نام روشن کیا۔ سلواٹور انٹرنیشنل اسکول کے طلباء وقاص حافظ اور منیب ظہور نے ہلکی کمبیٹ میں بالترتیب ہریانہ اور پنجاب کے خلاف سونے اور چاندی کا تمغہ حاصل کیا۔ سکول کی چیئر وومن حیا قاضی نیکہاکہ اسکول نے اپنے آغاز سے ہی ہمہ گیر ترقی کی وکالت کی ہے، جس میں نہ صرف ماہرین تعلیم بلکہ کھیل اور اضافی نصاب بھی شامل ہیں جو کہ ابتدائی عمر سے ہی زندگی کی مہارتوں کو فروغ دینے میں مدد کرتے ہیں۔ اس اسکول نے اس سے قبل نئی دہلی میں منعقدہ واکو انڈیا اوپن انٹرنیشنل ٹورنامنٹ میں چاندی کا تمغہ جیتا ہے اور قومی سطح کے کھیلوں کے مقابلوں میں جیتنے کا ریکارڈ قائم کیا ہے۔