یو این آئی
جموں//سینٹرل بیورو آف انوسٹی گیشن (سی بی آئی )نے ہفتے کے روز کٹھوعہ میں ایک پولیس ہیڈ کانسٹیبل کو رشوت لیتے ہوئے رنگے ہاتھوں دھر دبوچ کر سلاخوں کے پیچھے دھکیل دیا۔ سی بی آئی کو شکایت موصول ہوئی تھی کہ کٹھوعہ میں ہیڈ کانسٹیبل کام نپٹانے کی خاطر سائل سے رشوت کا تقاضہ کررہا ہے۔معلوم ہوا ہے کہ سی بی آئی نے ایک ٹیم تشکیل دی جس نے ہیڈ کانسٹیبل کو سائل سے تین ہزار روپیہ کی رشوت لیتے ہوئے رنگے ہاتھوں گرفتار کیا۔معلوم ہوا ہے کہ آزاد گواہوں کی موجودگی میں ہیڈ کانسٹیبل سے رشوت کی رقم ضبط کی گئی۔ہیڈ کانسٹیبل کی شناخت مشتاق احمد کے بطور ہوئی ہے۔ اس سلسلے میں کیس درج کرکے مزید تحقیقات شروع کی گئی۔
