نیوز ڈیسک
سری نگر//جنوبی ضلع کولگام کے مشی پورہ گاوں میں مسلسل تین روز تک جنگجو مخالف آپریشن جاری رہنے کے بیچ جمعرات کی سہ پہر کو جنگجووں اور فورسز کے مابین پھر گولیوں کا تبادلہ ہوا جس دوران 2ملی ٹینٹ مارے گئے۔آئی جی کشمیر کے مطابق دو میں سے ایک خاتون استانی رجنی بالا کی ہلاکت میں براہ راست ملوث تھا۔
دریں اثنا جنوبی ضلع اننت ناگ کے ہانگل گنڈ کوکر ناگ میں جنگجووں اور فورسز کے مابین گولیوں کا تبادلہ ہوا ہے۔
پولیس کے ایک ترجمان نے بتایا کہ 14جون کے روز سیکورٹی فورسز نے مصدقہ اطلاع موصول ہونے کے بعد مشی پورہ گاوں کو محاصرے میں لے کر تلاشی آپریشن شروع کیا۔
Related
مرمتی کام کے پیشِ نظر جموں سرینگر شاہراہ آج بند رہے گیانہوں نے بتایا کہ جوں ہی سیکورٹی فورسز کے اہلکاروں نے مشتبہ مقام کی اور پیش قدمی شروع کی تو وہاں پر موجود ملی ٹینٹوں نے حفاظتی عملے پر اندھا دھند فائرنگ شروع کی۔ا±ن کے مطابق ابتدائی گولیوں کے تبادلے کے بعد علاقے میں خاموشی چھائی جس کے بعد تلاشی آپریشن کا دائرہ وسیع کیا گیا۔
ترجمان نے بتایا کہ 15جون کی صبح کو گاوں میں موجود جنگجووں اور فورسز کے مابین پھر آمنا سامنا ہوا لیکن اس بار بھی ملی ٹینٹ ابتدائی فائرنگ کے بعد فرار ہوئے۔انہوں نے بتایا کہ جمعرات کی سہ پہر کو سیکورٹی فورسز اور گاوں میں محصور جنگجووں کے درمیان شدید گولیوں کا تبادلہ شروع ہوا جس دوران سیکورٹی فورسز نے دو ملی ٹینٹوں کو مار گرایا۔
