سرینگر //جمعرات کو جموں صوبے میں 55سالہ خاتون کورونا وائرس سے پیدا ہونے والے نمونیا سے فوت ہوگئی جبکہ کشمیر میں کوئی فوت نہیں ہوا۔ متوفین کی مجموعی تعداد 1924ہوگئی ہے ، ان میں 717جموں جبکہ 1207کشمیر سے تعلق رکھتے ہیں۔ پچھلے 24گھنٹوں کے جموں و کشمیر میں کورونا کی تشخیص کیلئے 20ہزار377ٹیسٹ کئے گئے جن میں117افراد کی رپورٹیں مثبت آئیں اور اسطرح متاثر ین کی مجموعی تعداد 1لاکھ 23ہزار 764ہوگئی۔ ان میں 51ہزار 319جموں صوبے جبکہ 72ہزار 445کشمیر سے تعلق رکھتے ہیں۔ نئے 117 معاملات میں 42جموں جبکہ 75کشمیر صوبے میں سامنے آئے ہیں۔ کشمیر کے 75معاملات میں 46ضلع سرینگر، 2بارہمولہ، 4بڈگام، 8پلوامہ، 3اننت ناگ، 1بانڈی پورہ، 3گاندربل، 1کولگام، 4کپوارہ اور 3شوپیان سے تعلق رکھتے ہیں۔ جموں صوبے کے 4اضلاع میں 42افراد وائرس سے متاثر ہوئے ہیں، ان میں 33ضلع جموں، 5ادھمپور، 3کٹھوعہ اور ایک کشتواڑ سے تعلق رکھتا ہے جبکہ جموں کے 6اضلاع میں کسی کی رپورٹ مثبت نہیں آئی جن میں راجوری، ڈوڈہ، سانبہ، پونچھ، رام بن اور ریاسی شامل ہیں۔
خاتون فوت
جمعرات کو جموں و کشمیر میں کورونا وائرس سے 55سالہ خاتون فوتن ہوگئی ہے۔ مرنے والے خاتون کا تعلق جموں صوبے سے تھا لیکن کشمیر میں پچھلے2دنوں سے کوئی موت نہیں ہوئی ہے۔ گورنمنٹ میڈیکل کالج جموں میں تعینات ایک سینئر ڈاکٹر نے کشمیر عظمی کو بتایا ’’ سیکٹر 7نانک نگر جموں سے تعلق رکھنے والی ایک 55سالہ خاتون کورونا وائرس سے پیدا ہونے والے نمونیا سے جی ایم سی جموں میں فوت ہوگئی ہے۔ سینئر ڈاکٹر نے بتایا کہ خاتون کو چند دن قبل سانس میں تکلیف کی وجہ سے اسپتال میں داخل کیا گیا لیکن وہ جمعرات کو فوت ہوگئی‘‘۔
حکومتی بیان
سرکاری بلیٹن میں بتایا گیا ہے کہ نوول کورونا وائرس کے1,23,764معاملات سامنے آئے ہیں جن میں سے1,111سرگرم معاملات ہیں ۔ اَب تک1,20,729اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,924تک پہنچ گئی ،جن میں سے 1,207کا تعلق کشمیر صوبہ سے اور717کاتعلق جموں صوبہ سے ہیں۔اِس دوران جمعرات کو مزید104فرادشفایاب ہوئے ہیںجن میںجموں صوبے کے39اَفراداور کشمیر صوبے کے65اَفرادشامل ہیں۔بلیٹن میں مزید کہا گیا ہے کہ اَب تک 43,39,419ٹیسٹوں کے نتائج دستیاب ہوئے ہیں جن میں سے 21؍جنوری 2021 کی شام تک 42,15,655نمونوں کی رِپورٹ منفی پائی گئی ہے ۔علاوہ ازیں اَب تک10,53,059افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں35,027اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔1,111 اَفراد کوآئیسولیشن میں رکھا گیا ہے جبکہ73,769اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب9,41,228اَفرادنے 28روزہ نگرانی مدت پوری کی ہے۔
