نئی دہلی// ملک میں نئے کورونا کیسوں کی رفتار میں سستی اور صحتمند افراد کی تعداد میں مسلسل اضافے کی وجہ سے بازیابی کی شرح 94 فیصد سے زیادہ ہو گئی ہے ، جبکہ زیر علاج مریضوں کی شرح مزید کم ہوکر 4.5 فیصد سے نیچے ہوگئی ہے ۔پچھلے ایک ہفتے سے ، کورونا کے نئے کیسز 40 ہزار سے کم ہو رہے ہیں ،لیکن ان کی تعداد تقریباً 35 ہزار تک باقی ہے ۔ اس سے انفیکشن کے کل معاملات میں 96.44 لاکھ سے زیادہ اضافہ ہوا ہے ۔اتوار کے روز صحت اور خاندانی بہبود کی مرکزی وزارت کے جاری کردہ اعداد و شمار کے مطابق ، گذشتہ 24 گھنٹوں کے دوران 36011 نئے معاملات رپورٹ ہوئے ۔ اس عرصے کے دوران 41970 مریض صحت مند ہوگئے اور کورونا کو شکست دینے والوں کی تعداد 91 لاکھ سے تجاوز کرگئی۔ نئے کیسوں کے مقابلے میں زیادہ تعداد میں لوگوں کی صحت یاب ہونے کی وجہ سے فعال معاملوں کی تعداد 6441 کم ہوکر 4.03 لاکھ ہوگئی ہے ۔ اسی عرصے کے دوران ، مزید 482 مریضوں کی موت کے ساتھ اموات کی تعداد بڑھ کر 140182 ہوگئی ہے ۔ملک میں زیر علاج مریضوں کی شرح کم ہوکر 4.18 فیصد ہوگئی ہے اور بازیابی کی شرح بڑھ کر 94.37 ہوگئی ہے جبکہ اموات کی شرح اب بھی 1.45 فیصد ہے ۔گذشتہ 24 گھنٹوں کے دوران ، مہاراشٹر میں زیادہ سے زیادہ 5834 مریض صحتمند ہوئے ، حالانکہ یہاں سب سے زیادہ 95 افراد کی موت بھی ہوئی ۔ ریاست میں زیر علاج مریضوں کی تعداد کم ہوکر 83931 ہوگئی ہے ۔ ہلاکتوں کی تعداد بڑھ کر 47694 ہوگئی ہے ، جبکہ اب تک 17.15 لاکھ سے زیادہ افراد کورونا کو شکست دے چکے ہیں۔کیرالہ میں صحت مند مریضوں کی تعداد 5.67 لاکھ کو عبور کر چکی ہے اور فعال معاملات 61531 پر آچکے ہیں جبکہ 2390 افراد ہلاک ہوگئے ہیں۔قومی دارالحکومت دہلی میں سرگرم معاملوں کی تعداد 1574 سے گھٹ کر 26678 ہوگئی ہے ۔ وہیں 9574 افراد اس بیماری سے اپنی جانوں سے ہاتھ دھو بیٹھے ہیں ، جبکہ 5.53 لاکھ سے زیادہ مریض صحت یاب ہوچکے ہیں۔جنوبی ریاست کرناٹک میں ، کورونا کے فعال مریضوں کی تعداد 87 سے گھٹ کر 24978 ہوگئی ہے ۔ ریاست میں اموات کی تعداد 11846 ہوچکی ہے اور اب تک 8.54 لاکھ سے زیادہ افراد بازیاب ہوچکے ہیں۔ اس مدت کے دوران ، آندھرا پردیش میں فعال مریضوں کی تعداد 256 سے گھٹ کر 6166 ہوگئی۔ ریاست میں ابھی تک 7024 افراد کی موت ہوئی ہے اور 8.58 لاکھ سے زیادہ افراد انفیکشن سے صحت یاب ہوچکے ہیں۔آبادی کے لحاظ سے ملک کی سب سے بڑی ریاست اتر پردیش میں ، فعال معاملوں کی تعداد 420 کم ہوکر 22245 ہوگئی ہے اور اس وبا کی وجہ سے 7900 افراد ہلاک ہوگئے ہیں۔ ریاست میں اب تک 5.22 لاکھ مریض صحت مند ہوچکے ہیں۔تمل ناڈو میں زیر علاج مریضوں کی تعداد 10882 رہ گئی ہے اور اب تک 11777 افراد لقمہ اجل بن چکے ہیں۔ ریاست میں اب تک 7.66 لاکھ سے زیادہ افراد صحت مند ہوچکے ہیں۔اوڈیشہ میں ، زیر علاج مریضوں کی تعداد کم ہوکر 3768 ہوگئی ہے اور 1765 افراد ہلاک ہوگئے ہیں جبکہ بیماری سے صحت یاب ہونے والے مریضوں کی تعداد بڑھ کر 3.15 لاکھ سے زیادہ ہوگئی ہے ۔تلنگانہ میں کورونا کے فعال معاملے کم ہوکر 8125 ہوچکے ہیں اور 1472 افراد لقمہ اجل بن چکے ہیں جبکہ اس وبا سے 2.63 لاکھ سے زائد افراد بازیاب ہوئے ہیں۔مغربی بنگال میں ، کورونا کے سرگرم معاملے کم ہوکر 23964 ہوچکے ہیں اور 8677 افراد ہلاک ہوگئے ہیں۔ ریاست میں اب تک 4.67 لاکھ سے زیادہ افراد بازیاب ہوئے ہیں۔ پنجاب میں سرگرم کیسوں کی تعداد کم ہوکر 7727 ہوگئی ہے اور انفیکشن سے نجات پانے والے افراد کی تعداد 1.42 لاکھ سے زیادہ ہوگئی ہے جبکہ اب تک 4906 افراد ہلاک ہوچکے ہیں۔مدھیہ پردیش میں فعال معاملات کی تعداد 13532 رہی ہے اور اب تک 1.96 لاکھ سے زیادہ افراد صحت مند ہوچکے ہیں جبکہ اس بیماری کی وجہ سے 3326 افراد لقمہ اجل بن چکے ہیں۔(یواین آئی)
فائزر نے کورونا ویکسین کے ہنگامی | استعمال کیلئے مانگی ڈی سی جی آئی کی منظوری
نئی دہلی //برطانیہ اور بحرین میں استعمال کی منظوری ملنے کے بعد امریکی دوا کمپنی فائزر نے اپنی کورونا ویکسین کے ہندوستان میں ہنگامی حالات میں استعمال کیلئے کنٹرولر جنرل آف انڈین میڈیسن (ڈی سی جی آئی)سے اجازت طلب کی ہے ۔ذرائع کے حوالے سے ملی اطلاع کے مطابق ،فائزر نے منظوری کیلئے ڈی سی جی آئی کے سامنے درخواست پیش کی ہے، حالانکہ ڈی سی جی آئی نے اس سلسلے میں کوئی سرکاری اطلاع نہیں دی ہے اور نہ ہی فائزر نے اس معلومات کی تصدیق کی ہے ۔ صحت اور خاندانی بہبود کی مرکزی وزارت نے بھی اس اطلاع کی نہ ہی تصدیق کی ہے اور نہ ہی اس کی تردید کی ہے ۔اگرہندوستان میں فائزر کی ویکسن کے ہنگامی حالات کیلئے ڈی سی جی آئی کی اجازت مل جاتی ہے ،تو یہ ایسا کرنے والا دنیا کا تیسرا ملک ہوگا۔بحرین نے گزشتہ جمعہ کو اعلان کیا تھا کہ اس نے بھی فائزر کے استعمال کی منظوری دے دی ہے ۔ہندوستان میں اب تک 96,44 ,222 افراد کورونا سے متاثر ہوئے ہیں،جن میں سے 94 فیصد افراد یعنی 91,00,792مریض صحت یاب ہوچکے ہیں اور 1,40,182 مریضوں کی موت ہوچکی ہے ۔اس طرح ملک میں فی الحال انفیکشن کے 4,03,248 معاملے ہی زیر علاج ہیں۔(یواین آئی)
