کورونا: جموں وکشمیر میں صرف 3مثبت

پرویز احمد
سرینگر //جموں و کشمیر میں پچھلے 24گھنٹوں کے دوران کورونا وائرس کی تشخیص کیلئے 18ہزار 682ٹیسٹ کئے گئے جن میں 3افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 53ہزار 978ہوگئی ہے۔ اس دوران جموں و کشمیر میں مسلسل 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4751بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں 3افراد کی رپورٹیں مثبت آئی ہیں جن میں جموں صوبے میں2جبکہ کشمیر میں ایک شخص کو مثبت قرار دیا گیا ہے۔ کشمیر صوبے کے 9اضلاع جن میں بارہمولہ، بڈگام، پلوامہ، اننت ناگ، کپوارہ ، بانڈی پورہ، گاندربل ، کولگام اور شوپیان میں کسی کی رپورٹ مثبت نہیں آئی ہے جبکہ سرینگر ضلع میں ایک شخص کو مثبت قرار دیا گیا ہے۔ مثبت قرار دیا گیا شخص مقامی سطح پر رابطے میں آنے کی وجہ سے متاثر ہوا ہے۔ وادی میں متاثرین کی مجموعی تعداد 2لاکھ 87ہزار 676ہوگئی ہے۔ اس دوران وادی میںمسلسل 48ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے 9اضلاع جن میں ادھمپور، راجوری، پونچھ، کٹھوعہ، کشتواڑ،  سانبہ، رام بن ، ڈوڈہ اور ریاسی میں کسی کی رپورٹ مثبت نہیں آئی ہے جبکہ ضلع جموں میں2افراد کی رپورٹیں مثبت آئی ہیں۔ ضلع جموں میں مثبت قرار دئے گئے دونوں افراد مقامی سطح پر رابطے میں آنے کی وجہ سے  متاثر ہوئے ہیں۔ اس دوران جموں صوبے میں مسلسل 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2328بنی ہوئی ہے۔