کورونا تعداد میں لگاتار گراوٹ

سرینگر //مارچ کے مہینے میں دوسری مرتبہ وادی میں کورونا متاثرین کی تعداد 10سے کم ہوگئی ہے۔ جموں و کشمیر میںپچھلے 24 گھنٹوں کے دوران کورونا وائرس کی تشخیص کیلئے 41ہزار 647ٹیسٹ کئے گئے جن میں 1مسافر سمیت مزید 21افراد کی رپورٹیں مثبت آئیں جن میں 12جموں جبکہ 9کشمیر سے تعلق رکھتے ہیں۔ اس سے قبل 7مارچ کو کشمیر میں کورونا متاثرین  کی تعداد 5تھی۔ جموں و کشمیر میں متاثرین کی مجموعی تعداد 4لاکھ 53ہزار 403ہوگئی ہے۔ اس دوران جموں و کشمیر میں مسلسل 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4749بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے 21افراد متاثر ہوئے ہیں جن میں  جموں میں 12جبکہ کشمیر میں 9افراد متاثر ہوئے ہیں۔ کشمیر صوبے کے بڈگام، پلوامہ، اننت ناگ، بانڈی پورہ ، گاندربل، کولگام اور شوپیان میں کسی کی رپورٹ مثبت نہیں آئی ہے جبکہ دیگر 3اضلاع میں 9افراد کو مثبت قرار دیا گیا ہے۔ کشمیر میں مثبت قرار دئے گئے سبھی افراد مقامی سطح پر رابطے میں آنے کی وجہ سے متاثر ہوئے ہیں ۔ مثبت قرار دئے گئے 9افراد میں سرینگر میں 4،، بارہمولہ میں 3 اور کپوارہ میں 2افراد کی رپورٹیں مثبت آئی ہیں۔ کشمیر میں متاثرین کی مجموعی تعداد 2لاکھ 87ہزار 742ہوگئی ہے۔ اس دوران وادی میں مسلسل 16ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے ادھمپور، کٹھوعہ، سانبہ، پونچھ اور ریاسی میں کسی کی رپورٹ مثبت نہیں آئی ہے جبکہ دیگر 5اضلاع میں 12افراد کو مثبت قرار دیا گیا ہے۔ جموں صوبے میں مثبت قرار دئے گئے 12افراد میں ایک بیرون ریاستوں سے سفر کرکے جموں پہنچے جبکہ دیگر 11افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے کے متاثرین میں ضلع جموں میں 5،راجوری میں 1، ڈوڈہ میں 2، کشتواڑ میں 3جبکہ رام بن میں کسی کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 66ہزار 161ہوگئی ہے۔ اس دوران جموں صوبے میں مسلسل 7ویں دن بھی کسی کی موت نہیں ہوئی ہے۔ متوفین کی مجموعی تعداد 2326بنی ہوئی ہے۔