کمانڈر جنید متو اور شہریوںکولشکر کاخراج عقیدت

سرینگر//لشکرطیبہ نے جمعہ کو آرونی جھڑپ میں جاں بحق ہونے والے لشکر کمانڈرجنید متو،آزاد ملک ،محمد اشرف ، نصیر احمد شیخ اور احسان ڈار کو زبردست خراج عقیدت پیش کیا ہے۔ کے این ایس کو ای میل کئے گئے بیان میں لشکرطیبہ ترجمان ڈاکٹر عبداللہ غزنوی نے تنظیم کے چیف کمانڈرمحمود شاہ کا حوالے دیتے ہوئے کہا’’ یہ قربانیاں رائیگاں نہیں ہونگی۔ انہوں نے کہا کہ شہداء کا پاک لہو ضرور رنگ لائیگا۔ محمود شاہ نے  مائوں،بہنوں، بچوں اور بوڑھوں کے ساتھ اظہار یکجہتی کیا ہے جو عسکریت پسندوں کو بچانے کیلئے بھارتی فوج کے سامنے کھڑے ہوجاتے ہیں۔ محمود شاہ نے کہا ’’ دنیا کی کوئی طاقت عسکریت پسندوں کو ختم نہیں کرسکتی جب تک بھائیوں ، بہنوں اور اللہ تعالیٰ کی مدد ہمیں ظلم کے سامنے کھڑا ہونے کی ہمت دیتا ہے۔انہوں نے کہا ’’ بھارت انسانیت ، پیار، امن اور آپسی بھائی چارے کیلئے ایک داغ ہے۔ انہوں نے کہا کہ بھارت کی جانب سے عام شہریوں کو گولیوں کا نشانہ بنائے جانے سے بھارت کا انسانیت سوز چہرہ سامنے آیا ہے۔ انہوں نے کہا کہ بھارت کا میڈیا جانبدار ہے اور وہ لوگوں کو حقیقت نہیں دکھارہاہے۔ لشکر چیف نے لوگوں سے متحد ہونے کی اپیل کرتے ہوئے کہا کہ مارے جانے والے عسکریت پسندوں کے اہل خانہ کا خیال رکھیں۔اس دوران لشکر طیبہ نے اچھہ بل میں6پولیس اہلکاروں کو مارنے کی ذمہ داری قبول کی ہے۔ کے این ایس کو بھیجے گئے بیان میں ترجمان ڈاکٹر عبداللہ غزنوی نے کہاکہ ’ہمارے جنگجوئوں نے گھات لگاکر گاڑی پر حملہ کرکے ایس ایچ او سمیت6اہلکاروں کو ماردیا ۔