کشتواڑ میں یوتھ فیسٹول کا اہتمام

کشتواڑ//فوج کی جانب سے کشتواڑ میں ’’یوتھ فیسٹول2017 ‘‘ منانے کیلئے ایک شاندار تقریب کا اہتمام کیا گیا ۔فیسٹول ملک کے مختلف خطوں کے تمدنی پروگراموں کا مجموعہ تھا ۔کشتواڑ کے مختلف سکولوں کے طلاب اور ملک کے پیشہ وارانہ کلا کاروں نے فیسٹول میں شرکت کرکے اپنے ٹیلنٹ کا مظاہرہ کیا۔روایتی مارشل آرٹ گٹکا ۔لوک ناچ ،بھنگڑہ اور راک بینڈ کی شاندار پرفارمنس اس دن کی اہم جھلکیاں تھیں۔اس موقعہ پر آئی ٹی آئی کشتواڑ کے طلاب کی پینٹنگ اور مٹی کے ماڈل نمائش کے لئے رکھے گئے تھے۔ایوئینٹ میں فوجی اہلکاروں ،سول انتظامیہ، پولیس اور سی آر پی ایف کے علاوہ لو گوں کی ایک بڑی تعداد بھی اس موقعہ پر موجود تھی۔کل ملا کر اس ایوئینٹ میں800 سے زائد لوگوں نے شرکت کی۔سامعین اس رنگ برنگی پروگرام کو دیکھ کر بہت ہی محظوظ کیا ۔ان لوگوں کا کہنا تھا کہ ایسے پروگرام منعقد کرنے سے نوجوانوں کا نظریہ بدل جائے گا اور امن ، رواداری اور ترقی کی جانب گامزن ہو جائیں گے۔یہ ایونٹ سول انتظامیہ کے قریبی تال و میل کی کوشش تھی جو ایک عظیم کامیابی تھی۔