کشتواڑ میںعیدالفطر سے قبل جم کر خریداری

عاصف بٹ
کشتواڑ//عیدالفطر کے سلسلے میں کشتواڑ قصبہ میں خریداری کیلئے عوام کی بھاری بھیڑ دیکھنے کو ملی۔گزشتہ کئی روز سے بازاروں میں لوگوں کی بڑی تعداد خریداری کرتی رہی جبکہ اتوار کو صبح سے ہی عوام کا سیلاب امڈ آیا جس دوران بازار کے مصروف ترین مقامات پر بھاری بھیڑ سے ٹریفک نظام میں بھی خلل پڑا۔ جہاں اتوار کو صرف سنڈے مارکیٹ میں ہی رش ہوتا تھا تاہم اسبار دیگر بازاروں میں بھی بھاری رش دیکھنے کو ملا اور لوگوں نے جم کر خریداری کی۔ بچوں، خواتین و نوجوانوں نے کروڑوں روپے کی خریداری کی تاہم آسمان چھوتی قیمتوں سے بھی عوام سخت پریشان حال ہے۔ مقامی لوگوں نے کشمیر عظمیٰ کو بتایا کہ انتظامیہ کی جانب سے گوشت، مرغ و سبزیوں کیلئے جاری کی گئی ریٹ لسٹ صرف نام کی ہی رہی جبکہ دوکانداروں نے من مانی قیمتوں پر گوشت ،سبزی دیگر سامان فروخت کیا۔ قصبہ کے دوکانداروں نے بتایا کہ انتظامیہ کی جانب سے مقرر قردہ قیمتوں پر سامان فروخت کرنا ناممکن ہے کیونکہ آئے روز قیمتوں میں تبدیلی کے سبب ہم بھی سخت پریشان ہے جسکا سیدھا اثر غریب عوام پر پڑرہا ہے۔