ڈی سی پونچھ کی قیادت میں اجلاس منعقد

حسین محتشم
پونچھ// وی وی آئی پیز کے پونچھ کے دورے کے تناظر میں ضلع ترقیاتی کمشنر پونچھ اندر جیت نے ڈی سی آفس کے کانفرنس ہال میں تمام ضلع اور سیکٹرل افسران کی ایک میٹنگ کی صدارت کی جہاں انہوں اس سلسلہ کی تیاریوں اور انتظامات کا جائزہ لیا۔اس موقع پر اضافی ضلع ترقیاتی کمشنر پونچھ عبدالستار،اضافی ترقیاتی کمشنر ڈاکٹر بشارت حسین، ایڈیشنل سپرنٹنڈنٹ آف پولیس مشیم احمد، جنرل منیجر ڈی آئی سی، ڈاکٹر ذاکر حسین، چیف پلاننگ آفیسر مدن لال، سی ای او سیاحت، ڈاکٹر محمد تنویر، اسسٹنٹ کمشنر ڈیو لپمنٹ عابد حسین شاہ، ڈپٹی رجسٹرار/ڈی آئی او پونچھ، وشالدیپ چندن، چیف ہارٹیکچر آفیسر، سنجیو شرما، چیف میڈیکل آفیسر، ڈاکٹر شمیم بھٹی، چیف ایجوکیشن آفیسرعبدالمجید، اے آر ٹی او پونچھ،ای او بلدیہ مشتاق احمد اور مختلف محکموں کے ایگزیکٹو انجینئرز کے علاوہ تمام سیکٹرل اور دیگر ضلع افسران نے شرکت کی۔ ضلع ترقی کمشنر نے اپنے ابتدائی کلمات میں اجلاس کو وی وی آئی پیز کے ٹور پروگرام اور اس کے مطابق متعلقہ محکموں کی جانب سے کئے جانے والے ضروری انتظامات سے آگاہ کیا۔ ڈی سی نے تمام محکموں کے افسران کو تاکید کی کہ وہ مربوط انداز میں کام کریں اور اس بات کو یقینی بنائیں کہ تمام ضروری انتظامات پہلے سے مکمل کر لئے جائیں تاکہ وی وی آئی پی کا دورہ خوش اسلوبی سے اختتام پذیر ہو اور ان کے دورے کا مقصد پورا ہو سکے۔ ڈی سی نے جل شکتی محکمہ کے افسران سے کہا کہ وہ ضلع بھر میں پانی کی بلا تعطل فراہمی کو یقینی بنائیں اور ان تمام مقامات پر تمام ضروری انتظامات کو یقینی بنائیں جہاں وی وی آئی پیز کا دورہ کرنا ہے۔ محکمہ پی ڈی ڈی کو بجلی کی بلا تعطل فراہمی کو یقینی بنانے کی ہدایت دی گئی۔ محکمہ دیہی ترقی سے کہا گیا کہ وہ پی آر آئی ممبران اور عوام کے اجلاس کے لیے تمام تیاریاں کریں۔ اسی طرح محکمہ سیاحت کو ہدایت کی گئی کہ وہ معائنہ اور ای افتتاح کیلئے سیاحت سے متعلق ترقیاتی اقدامات کی نمائش کیلئے تمام مطلوبہ اقدامات کرے۔اسی طرح کی ہدایات دیگر محکموں کو بھی دی گئیں کہ وہ افتتاح کے لیے تیار منصوبوں کی فہرست تیار کرنے کو کہا۔ انہوں نے پنڈال میں تمام ضروری انتظامات کے لیے دیگر محکموں کو بھی اسی طرح کی ہدایات جاری کیں یعنی؛ مختلف محکمانہ سپانسرڈ سکیموں کے سٹالز کی تنصیب، سال کے دوران ہونے والے مختلف ترقیاتی کاموں کی تفصیل اور ان کے اخراجات اور سیاحت کے انفراسٹرکچر، ہارٹیکلچر، میونسپلٹی، سپورٹس اور دیگر تمام محکمانہ کاموں کے حوالے سے جاری کاموں کی تفصیل تیار کرنے کی ہدایت کی گئی۔ضلع ترقیاتی کمشنر نے سی ای او میونسپل کو ہدایت کی کہ بازار کے ساتھ ساتھ تمام مذہبی مقامات کے ایریا کو بھی صاف کیا جائے۔ انہوں نے متعلقہ افسران کو بھی ہدایت کی جو خود روزگار کے فوائد میں توسیع کر رہے ہیں۔