ڈی سی پونچھ نے عید میلاد النبی (ص) کے انتظامات کا جائزی لیا

حسین محتشم

پونچھ//ضلع ترقیاتی کمشنر پونچھ یاسین ایم چوہدری (آئی اے ایس) نے عید میلاد النبی (ص) کی تیاریوں پر غور و خوض کرنے کے لئے لائن ڈپارٹمنٹس اور کمیونٹی لیڈروں کی ایک میٹنگ کی صدارت کی۔اس دوران اہم انتظامات بشمول بجلی اور پانی کی بلاتعطل فراہمی، طبی سہولیات، سیکورٹی، ٹریفک، مناسب راشن، صفائی کے علاوہ دیگر متعلقہ امور بات چیت ہوئی۔انہوں نے اس بات پر روشنی ڈالی کہ تہوار متحرک تنوع اور فرقہ وارانہ ہم آہنگی کی عکاسی کرتے ہیں جو ہماری قوم کی تعریف کرتے ہیں۔

 

کمیونٹی رہنماؤں نے ضلعی انتظامیہ کی غیر متزلزل حمایت اور تعاون پر ان کا شکریہ ادا کیا۔ اجلاس کے دوران ڈپٹی کمشنر نے متعلقہ حکام کو ہدایت کی کہ ضروری خدمات کی بلا تعطل دستیابی کو یقینی بنانے کے لئے تمام ضروری اقدامات کئے جائیں۔ فوڈ، سول سپلائیز، اور کنزیومر افیئرز، فوڈ سیفٹی، اور لیگل میٹرولوجی کے محکموں کو ہدایت کی گئی کہ وہ معیاری خوراک اور ضروری اشیاء کی جائز نرخوں پر دستیابی کو یقینی بنانے کے لئے بازار کی جانچ کریں۔انہوں نے بازاروں میں خاص طور پر مذہبی مقامات کے ارد گرد صفائی ستھرائی کو برقرار رکھنے پر بھی زور دیا گیا۔ ٹریفک حکام کو ہدایت کی گئی کہ وہ سوچے سمجھے ٹریفک مینجمنٹ پلان بنائیں۔ ان اقدامات کا مقصد مقررہ دن پر گاڑیوں اور جلوسوں کی پریشانی سے پاک نقل و حرکت کو یقینی بنانا ہے۔ مزید برآں، مقدس دن کے موقع پر عوامی تحفظ کو یقینی بنانے کے لیے مناسب ڈیوٹی مجسٹریٹس اور پولیس اہلکار تعینات کیے جائیں گے۔ حکام کو ہدایت کی گئی ہے کہ وہ متعلقہ مذہبی اداروں سے جلوس کے راستوں اور اوقات کے بارے میں معلومات حاصل کریں تاکہ مقررہ راستوں پر فول پروف سکیورٹی کی تعیناتی کو آسان بنایا جا سکے۔