ڈی سی رام بن نے ٹنگر ، پرلان کا گاوں میں لوگوں کے مسائل سنے

 رام بن //ڈپٹی کمشنر رام بن مسرت الاسلام نے گاندھری بلاک کے جپسم مائن پرلانکا اور ٹنگر گاو¿ں کا دورہ کیا اور عام لوگوں کے مسائل اور شکایات کو سنا اور موقع پر ہی حل کیا۔ڈپٹی کمشنر نے افسران پر زور دیا کہ وہ دیہی اور دور دراز علاقوں میں عام لوگوں کی سہولت کے لیے بنیادی سہولیات کی دستیابی کو یقینی بنائیں۔عوامی مطالبات کا جواب دیتے ہوئے ڈی سی نے سی ایم او رام بن کو ہدایت کی کہ وہ ٹنگر میں ہیلتھ سب سنٹر کے قیام کے امکانات کو تلاش کریں۔ انہوں نے شعبہ آئی ایس ایم کو علاقے میں آیوش ادویات کی تقسیم کے کیمپ لگانے کی بھی ہدایت دی۔بتایا گیا کہ پینے کے پانی کی مقامی ضرورت کو پورا کرنے کے لیے جل جیون مشن کے تحت علاقے میں 5.5 کروڑ روپے کی لاگت کی ایک واٹر سپلائی سکیم شروع کی گئی ہے۔ڈی سی نے ایگزیکٹو انجینئر جے پی ڈی سی ایل کو موجودہ پاور ڈسٹری بیوشن ٹرانسفارمر 25 کے وی اے سے 63 کے وی اے بڑھانے کی بھی ہدایت کی تاکہ ٹنگر ایریا میں بجلی کی فراہمی کو بہتر بنایا جا سکے۔ انہوں نے بتایا کہ کانگا میں پاور اسٹیشن کا کام مکمل ہونے کے بعد بجلی کی فراہمی کا منظر بہتر ہو جائے گا۔قبل ازیں بی ڈی سی کی چیئرپرسن ، پی آر آئی نمائندوں اور عام لوگوں نے مطالبات اور مسائل کو اجاگر کیا ۔ انہوں نے بجلی کے بڑھتے ہوئے بلوں کی شکایت بھی کی۔عوامی مسائل سننے کے بعد ڈی سی نے انہیں جلد از جلد حل کرنے کی یقین دہانی کرائی۔ڈی سی اور بی ڈی سی چیئرپرسن نے کسانوں میں پوٹاش کھاد بھی تقسیم کی جو محکمہ زراعت نے فراہم کی۔بعد ازاں ، ڈی سی نے پیری لنکا میں جپسم مائن کا بھی دورہ کیا اور عوامی مسائل سنے۔ زمین کے معاوضے کے مسئلے کا جواب دیتے ہوئے ، ڈی سی نے تحصیلدار کو ہدایت کی کہ وہ مقررہ وقت کے اندر حقائق پر مبنی رپورٹ پیش کرے اس کے علاوہ سرکاری زمین کو غیر قانونی تجاوزات سے بچائے۔ڈی سی نے اسسٹنٹ لیبر کمشنر کو یہ بھی ہدایت کی کہ وہ جے کے منرلز کی جانب سے پیرلانکا جپسم مائن میں مزدوروں کو دی جانے والی اجرت اور دیگر مراعات کو چیک کریں۔