ڈی جی پی نے 20پولیس اہلکاروں کے بچوں کے حق میں وظیفہ منظور کیا

جموں//پولیس اہلکاروں کے بچوںکا حوصلہ بڑھانے اور ان میں مسابقتی امتحانات میں حصہ لینے کوفروغ دینے کیلئے پولیس سربراہ دلباغ سنگھ نے 20بچوں کے حق میں1.28لاکھ روپے کا وظیفہ منظور کیا۔ اس میں7200روپے کی رقم فی کس سات بچوں کے حق میں منظور ہوئی جنہوں نے بارہویں جماعت کے سالانہ امتحان میں90فیصد سے زیادہ نمبرات حاصل کئے تھے۔ اسی طرح6300روپے فی کس کے حساب سے 13بچوں میں بھی وظیفہ منظور کیا گیا جنہوں نے بارہویں جماعت کے سالانہ امتحان میں80 سے90 فیصد تک نمبرات حاصل کئے تھے۔