ڈبر۔نوشہرہ بی آراو سڑک خستہ حالی کا شکار | مشکلات سے دوچارعوام کاسڑک کی مرمت کا مطالبہ

رمیش کیسر

نوشہرہ//بارڈر روڈ آرگنائزیشن کی 31بارڈر روڈ ٹاسک فورس کے تحت سڑک کی حالت اس قدر خراب ہو گئی ہے کہ یہ سڑک گاڑیوں کے چلنے کے لیے موزوں نہیں رہی ہے۔ حتیٰ کہ اس سڑک سے 31بارڈر روڈ ٹاسک فورس کی گاڑیاں گزر رہی ہیں۔روڈ کنسٹرکشن کمپنی، جس کا ہیڈکوارٹر اکھنور میں ہے، ڈبر سے نوشہرہ تک اس سڑک کی حالت خستہ ہو چکی ہے۔اس خستہ حال سڑک پر ہر 50-100 میٹر کے بعد بڑے بڑے گڑھے پڑے ہوئے ہیں جن سے گاڑیوں کا گزرنا بہت مشکل ہے لیکن 57روڈ کنسٹرکشن کمپنی کے اہلکار اس کی بہتری کے لیے کچھ نہیں کر رہے۔ اس سڑک کی حالت سے چونکہ ڈرائیوروں کو پریشانی کا سامنا ہے، اس لیے بارڈر روڈز آرگنائزیشن سے اپیل کی گئی ہے کہ وہ اپنے زیر انتظام سڑکوں کی وقتاً فوقتاً دیکھ بھال کرے تاکہ لوگوں کو پریشانی کا سامنا نہ کرنا پڑے۔