عظمیٰ نیوزسروس
سرینگر//محبوب العالم اسپورٹس کے زیر اہتمام جاری چنار پریمیئر لیگ ایڈیشن 2 میں گروپ بی کے دو میچ گروٹہ کرکٹ گراؤنڈ جموں کے ٹرف سرفیس میں کھیلے گئے۔پہلا میچ علمدار واریرز کرکٹ کلب اور رائل اسٹرائیکس نوگام کے درمیان کھیلا گیا۔ علمدار واریئرز نے مقررہ 20 اوورز میں پانچ وکٹوں کے نقصان پر 164 رنز کا ہدف دیا۔ علمدار واریئرز کے دامن اور امتیاز نے بالترتیب 52 اور 42 رنز بنائے۔ جواب میں رائل اسٹرائیکس نوگام صرف 64 رنز بنا سکی اور 100 رنز سے میچ ہار گئی۔ علمدار واریئرز کے امتیاز اور حسنین نے 4،4 وکٹیں حاصل کیں۔ علمدار واریئرز کے امتیاز مین آف دی میچ قرار پائے۔ایک اور میچ میں اربن ووگ کنزر نے ہل ویو جونیئر راجوری کو 9 رنز سے شکست دی۔ اربن ووگ کنزر نے پہلے بیٹنگ کرتے ہوئے آل آؤٹ 144 رنز کا ہدف دیا۔ جواب میں ہل ویو جونیئر صرف 135 رنز بنا کر آل آؤٹ ہو گئی۔ ہل ویو جونیئر کے بلال نے 78 رنز بنائے جبکہ اربن ووگ کنزر کے شیخ اشفاق اور شیر علی نے بالترتیب 43 اور 42 رنز بنائے۔ اربن ویو کنزر کے شیر علی صرف 27 گیندوں پر 42 رنز بنا کر مین آف دی میچ قرار پائے۔
